ദോഹ: റെഡ് ലിസ്റ്റ് രാജ്യങ്ങളുടെ പട്ടികയിൽ മാറ്റങ്ങൾ വരുത്തി പുതുക്കിയ പട്ടിക ഇറക്കാനൊരുങ്ങി ഖത്തർ. 26 വൈകിട്ട് 7.00 മുതൽ പുതുക്കിയ പട്ടിക പ്രാബല്യത്തിൽ വരും. 9 രാജ്യങ്ങൾ ഉൾപ്പെട്ടിരുന്ന പട്ടിക 26 മുതൽ 7 രാജ്യങ്ങളായി ചുരുങ്ങും.
പട്ടികയിൽ നിന്ന് ജോർദാൻ, ജോർജിയ എന്നീ രാജ്യങ്ങളെയാണ് നീക്കിയത്. പുതുക്കിയ പട്ടികയിൽ ബംഗ്ലാദേശ്, ഈജിപ്ത്, ഇന്ത്യ, നേപ്പാൾ, പാക്കിസ്ഥാൻ, ഫിലിപ്പൈൻസ്, ശ്രീലങ്ക തുടങ്ങിയ രാജ്യങ്ങളാണ് റെഡ് ലിസ്റ്റ് പട്ടികയിലുള്ളത്.
അതേസമയം കോവിഡ് വ്യാപന സാഹര്യങ്ങൾ അനുസരിച്ച് രാജ്യങ്ങളെ ഗ്രീൻ, റെഡ്, എക്‌സെപ്ഷണൽ റെഡ് എന്നിങ്ങനെ മൂന്ന് വിഭാഗങ്ങളാക്കി തിരിച്ചിരുന്നു.
