Sunday, November 22, 2026

‘സൈബർ കുറ്റകൃത്യങ്ങളും പരിഹാര മാർഗ്ഗങ്ങളും’; അവബോധന ക്ലാസ് സംഘടിപ്പിച്ച് നെയ്യാറ്റിൻകര താലൂക്ക് എൻ എസ് എസ് യൂണിയൻ

തിരുവനന്തപുരം: ഹ്യൂമൻ റിസോഴ്സ്‌ ഡിപ്പാർട്മെന്റിന്റെ ആഭിമുഖ്യത്തിൽ സൈബർ കുറ്റകൃത്യങ്ങളും പരിഹാര മാർഗ്ഗങ്ങളും എന്ന വിഷയത്തെ ആസ്പദമാക്കി അവബോധന ക്ലാസ് സംഘടിപ്പിച്ച് നെയ്യാറ്റിൻകര താലൂക്ക് എൻ എസ് എസ് യൂണിയൻ. യൂണിയൻ ചെയർമാൻ പി ഈ നാരായണൻ നായർ അധ്യക്ഷത വഹിച്ച യോഗത്തിൽ തിരുവനന്തപുരം ജില്ലാ ഹൈ ടെക് സെൽ അഡീഷണൽ സൂപ്രണ്ടന്റ് ഓഫ് പോലീസ് ബിജുമോൻ ക്ലാസ് നയിച്ചു. സോഷ്യൽ മീഡിയകളിലും മറ്റും ഒളിഞ്ഞിരിക്കുന്ന ചതികുഴികളെക്കുറിച്ചും അവയുടെ ദുരുപയോഗം തടയുന്നതിനെ കുറിച്ചുമെല്ലാം അദ്ദേഹം ക്ലാസ്സിൽ വിശദമായി സംസാരിച്ചു.

യോഗത്തിൽ വച്ച് മികച്ച തഹസിൽദാർക്കുള്ള കേരളാ സർക്കാരിന്റെ പുരസ്‌കാരം ലഭിച്ച ശോഭ സതീഷിനെ ആദരിക്കുകയുണ്ടായി. ഹ്യൂമൻ റിസോഴ്സ്‌ സെൽ കോ ഓർഡിനേറ്റർ പ്രവീൺ കുമാർ സ്വാഗതവും, യൂണിയൻ സെക്രട്ടറി വി ഷാബു നന്ദിയും രേഖപ്പെടുത്തി. എൻ എസ് എസ് പ്രതിനിധി സഭ അംഗങ്ങളായ ഡി വേണുഗോപാൽ, വി നാരായണൻ കുട്ടി, അഡ്വ.അജയകുമാർ, യൂണിയൻ ഭരണസമിതി അംഗങ്ങളായ മധുകുമാർ, കെ രാമചന്ദ്രൻ നായർ, വിക്രമൻ നായർ, എൻ എസ് എസ് ഇൻസ്‌പെക്ടർ അരുൺ ജി നായർ എന്നിവർ നേതൃത്വം നൽകി

Related Articles

Latest Articles