ഉത്രാട ദിനം ആഘോഷമാക്കാൻ സുരേഷ് ഗോപി ചിത്രം പാപ്പൻ ഒടിടിയിൽ . ജൂലൈ 29 നാണ് പാപ്പൻ തിയേറ്ററുകളിൽ എത്തിയിരുന്നത്. ബോക്‌സ് ഓഫീസിൽ ഹിറ്റായ ചിത്രം സുരേഷ് ഗോപിയ്ക്ക് വമ്പൻ തിരിച്ചുവരവാണ് നൽകിയത്. തിയേറ്ററുകളിൽ എത്തിയ ദിവസം മുതൽ ആരാധകർ ചിത്രത്തിന്റെ ഒടിടി റിലീസിനായുള്ള കാത്തിരിപ്പിലായിരുന്നു. സീ 5 ലൂടെ ആയിരിക്കും ചിത്രത്തിന്റെ ഒടിടി റിലീസ്.
3.16 കോടി രൂപയായിരുന്നു റിലീസ് ദിനത്തിൽ പാപ്പന്റെ കേരളത്തിലെ കളക്ഷൻ . ഒരാഴ്ച്ചക്കുള്ളിൽ ഇത് 17.85 കോടി ആയി ഉയർന്നു. വിദേശ, ഇതര സംസ്ഥാന റിലീസുകൾക്ക് ശേഷം 10 ദിവസത്തെ ആഗോള ഗ്രോസ്, നിർമ്മാതാക്കൾ പുറത്തുവിട്ട കണക്ക് അനുസരിച്ച് 31.43 കോടി ചിത്രം ഇതിനോടകം നേടിക്കഴിഞ്ഞു. ചിത്രം 50 കോടി ക്ലബ്ബിൽ ഇടംപിടിച്ചതായി നിർമ്മാതാക്കൾ അറിയിച്ചിരുന്നതാണ്.
ജോഷി സംവിധാനം ചെയ്ത ചിത്രത്തിൽ പോലീസ് വേഷത്തിലാണ് സുരേഷ് ഗോപി എത്തുന്നത് ട്വിസ്റ്റുകൾ നിറഞ്ഞ ഒരു ക്രൈം ത്രില്ലർ ചിത്രമാണ് പാപ്പൻ. സുരേഷ് ഗോപിയുടെ തിരിച്ചു വരവിലെ രണ്ടാമത്തെ ചിത്രമാണ് പാപ്പൻ. ഗോകുൽ സുരേഷും ചിത്രത്തിൽ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.
