പാകിസ്ഥാൻ പാഠം പഠിച്ചു; ഇന്ത്യയിലുള്ളത് ഇ​ച്ഛാ​ശ​ക്തി​യു​ള്ള രാ​ഷ്ട്രീ​യ​നേ​തൃ​ത്വം: ക​ര​സേ​നാ മേ​ധാ​വി

ദില്ലി: ഭീ​ക​ര​ത​യ്ക്കെ​തി​രെ തി​രി​ച്ച​ടി​ക്കാ​ൻ ഇ​ച്ഛാ​ശ​ക്തി​യു​ള്ള രാ​ഷ്ട്രീ​യ​നേ​തൃ​ത്വം ഇ​ന്ത്യ​ക്കു​ണ്ടെ​ന്ന് പാ​ക്കി​സ്ഥാ​നു ബോ​ധ്യ​മാ​ക്കി​യെന്ന് ക​ര​സേ​നാ മേ​ധാ​വി ബി​പി​ൻ റാ​വ​ത്ത്. മി​ന്ന​ലാ​ക്ര​മ​ണ​വും ബാ​ലാ​ക്കോ​ട്ടിലെ വ്യോമാക്രമണവുമാണ് പാകിസ്ഥാനെ പാഠം പഠിപ്പിച്ചതെന്നും അദ്ദേഹം വ്യക്തമാക്കി. ദില്ലിയിൽ കാ​ർ​ഗി​ൽ യു​ദ്ധ​ത്തി​നു ശേ​ഷം 20 വ​ർ​ഷം എ​ന്ന പ​രി​പാ​ടി​യി​ൽ സം​സാ​രി​ക്ക​വെ​യാ​യി​രു​ന്നു റാ​വ​ത്തി​ന്‍റെ പ​രാ​മ​ർ​ശം.

ഭീ​ക​ര​വാ​ദത്തിലൂടെയും നു​ഴ​ഞ്ഞു​ക​യ​റ്റത്തിലൂടെയും പ്ര​ശ്ന​ങ്ങ​ളു​ണ്ടാ​ക്കാ​നാ​ണു പാക്ക് സൈ​ന്യം ശ്ര​മി​ക്കു​ന്ന​ത്. ഇ​ത്ത​രം നീ​ക്ക​ങ്ങ​ൾക്ക് ഇ​ന്ത്യ ശ​ക്ത​മാ​യി മ​റു​പ​ടി ന​ൽ​കും. ഭീ​ക​ര​പ്ര​വ​ർ​ത്ത​ന​ങ്ങ​ൾ ശി​ക്ഷി​ക്ക​പ്പെ​ടാ​തെ പോ​കി​ല്ല. മി​ന്ന​ലാ​ക്ര​മ​ണ​വും ബാ​ലാ​ക്കോ​ട്ട് ആ​ക്ര​മ​ണ​വും ഇക്കാര്യം പാ​ക്കി​സ്ഥാ​നു മ​ന​സി​ലാ​ക്കി​ക്കൊ​ടു​ത്തു- ക​ര​സേ​നാ മേ​ധാ​വി
പ​റ​ഞ്ഞു.

ഇ​ന്ത്യ​ൻ സൈ​ന്യം ഒ​രു മാ​റ്റ​ത്തി​ലൂ​ടെ​യാ​ണ് ക​ട​ന്നു​പോ​കു​ന്ന​ത്. മാ​റു​ന്ന സാ​ങ്കേ​തി​ക വി​ദ്യ​ക​ൾ യു​ദ്ധ​ത്തി​ന്‍റെ സ്വ​ഭാ​വ​വും മാ​റ്റു​ക​യാ​ണ്. ബഹിരാകാശ , സൈ​ബ​ർ, സ്പെ​ഷ​ൽ ഫോ​ഴ്സ് ഡി​വി​ഷ​നു​ക​ളു​ടെ രൂ​പീ​ക​ര​ണം ഈ ​മാ​റ്റ​ത്തി​ലേക്കാണ് വി​ര​ൽ ചൂ​ണ്ടു​ന്ന​തെന്നും റാ​വ​ത്ത് പ​റ​ഞ്ഞു.