ഇന്ത്യൻ ക്രിക്കറ്റ് താരമായ നടരാജന്റെ ജീവചരിത്ര സിനിമയില് നായകനാകാൻ ശിവകാര്ത്തികേയൻ. നടരാജൻ തന്നെയാണ് ഒരു അഭിമുഖത്തിൽ ഇക്കാര്യം പറഞ്ഞത്. ശിവകാര്ത്തികേയൻ തന്നെ നടരാജന്റെ ജീവചരിത്ര സിനിമ സംവിധാനം ചെയ്തേക്കുമെന്നും വിവരമുണ്ട്.
2020 ഡിസംബറിലായിരുന്നു ഇന്ത്യൻ ക്രിക്കറ്റ് ടീമില് ടി നടരാജൻ ബൗളറായി തുടക്കം കുറിച്ചത്. തമിഴ്നാട് ക്രിക്കറ്റ് ടീമിലെ താം കൂടിയാണ് നടരാജൻ. ഇടംകയ്യൻ മീഡിയം ഫാസ്റ്റ് ബൗളറാണ്. ഇന്ത്യൻ പ്രീമിയര് ലീഗില് സണ്റൈസേഴ്സ് ഹൈദരബാദിന്റെ താരവുമായിരുന്നു ടി നടരാജൻ.
ശിവകാര്ത്തികേയൻ നായകനായി ഏറ്റവും ഒടുവില് തിയറ്ററുകളില് എത്തിയ ചിത്രമാണ് ‘പ്രിൻസ്’. ചിത്രത്തിന് മികച്ച പ്രതികരണം നേടാനായിരുന്നില്ല. ക്ലീൻ യു സര്ട്ടിഫിക്കറ്റോടെ ഒരു റൊമാന്റിക് കോമഡി ചിത്രമായിട്ടായിരുന്നു ‘പ്രിൻസ്’ എത്തിയത്. ശ്രീ വെങ്കടേശ്വരൻ സിനിമാസ് എല്എല്പിയാണ് ‘പ്രിൻസ്’ നിര്മിച്ചത്.
ശിവകാര്ത്തികേയൻ നായകനാകുന്ന ഏറ്റവും പുതിയ ചിത്രമാണ് ‘മാവീരൻ”.ഇതിന്റെ കാത്തിരിപ്പിലാണ് ആരാധകര്.മഡോണി അശ്വിൻ ആണ് ‘മാവീരൻ’ ചിത്രത്തിന്റെ തിരക്കഥ. സംവിധായകൻ എസ് ഷങ്കറിന്റെ മകള് അദിതിയാണ് ചിത്രത്തിൽ നായിക. ചിത്രത്തിന്റെ സംഗീത സംവിധായകൻ ഭരത് ശങ്കര് ആണ്.