ബിഗ്ബോസ് മലയാളം അഞ്ച് വളരെ ആവേശഭരിതമായാണ് മുന്നോട്ടു പോകുന്നത്. പ്രേക്ഷകരുടെ പ്രിയപ്പെട്ട ഷോ ഇപ്പോൾ ഇരുപത്തി ഒന്ന് ദിവസങ്ങൾ പിന്നിട്ടു. ഷോ തുടങ്ങി രണ്ട് ആഴ്ചയ്ക്ക് ശേഷം കഴിഞ്ഞ ദിവസമാണ് ബിഗ് ബോസ് സീസൺ അഞ്ചിലെ ആദ്യ എലിമിനേഷൻ നടന്നത്. പ്രേക്ഷക വിധി പ്രകാരം ഷോയിൽ നിന്നും ഇത്തവണ പുറത്തായത് ഏഞ്ചലിൻ മേരിയാണ്. എന്നാൽ മോഹൻലാൽ വീണ്ടും ബുധനാഴ്ച ഷോയിലേക്ക് തിരിച്ചെത്തുന്നുണ്ടെന്നാണ് ഇപ്പോൾ ലഭിക്കുന്ന വിവരം.
സാധാരണ ശനി,ഞായർ ദിവസങ്ങളിലാണ് മത്സരാർത്ഥികളെ കാണുന്നതിനും എലിമിനേഷൻ നടത്തുന്നതിനും മറ്റുമായി മോഹൻലാൽ എത്താറുള്ളത്. എന്നാൽ വരുന്ന ബുധനാഴ്ച മോഹൻലാൽ വീണ്ടും ഷോയിലേക്ക് എത്തുകയാണ്. കഴിഞ്ഞ ദിവസത്തെ എപ്പിസോഡിന്റെ അവസാനം മോഹൻലാൽ തന്നെയാണ് ഈ കാര്യം വ്യക്തമാക്കിയത്. ബിഗ് ബോസ് വീട്ടിൽ നിന്നും ആരെല്ലാം പുറത്തുപോകണമെന്നു തീരുമാനിക്കുന്നത് പ്രേക്ഷകരാണ്. അതിനാൽ തന്നെയും പല ട്വിസ്റ്റുകളും ഇനിയും ഈ ഷോയുടെ യാത്രയിൽ പ്രതീക്ഷിക്കാവുന്നതാണ്. സാധാരണയിൽ നിന്നും വ്യത്യസ്തമായി നമ്മൾ ഇനി കാണും. ഞാൻ ബുധനാഴ്ച വീണ്ടും വരും. അതിനൊരു കാരണമുണ്ട്. അത് ഞാൻ ബുധനാഴ്ച പറയാം എന്നായിരുന്നു മോഹൻലാൽ പറഞ്ഞത്. ബുധനാഴ്ച നടക്കുന്നത് അടുത്ത എലിമിനേഷനാണോ അതോ പുതിയ വൈൽഡ് കാർഡ് എൻട്രിയാണോ എന്ന സംശയത്തിലാണ് ആരാധകർ.