ബംഗളുരു : സംസ്കാരത്തെ മാറ്റിമറിക്കാൻ കലയെ ഉപയോഗിക്കാനുള്ള ശ്രമങ്ങളെ നേരിടാൻ സംസ്കാർ ഭാരതി തയ്യാറാകണമെന്ന് ആർഎസ്എസ് സർസംഘ് ചാലക് മോഹൻജി ഭാഗവത് കഴിഞ്ഞ പറഞ്ഞു.
സംസ്കാർ ഭാരതി സംഘടിപ്പിച്ച അഖില ഭാരതീയ കലാസാധക് സംഗമത്തിനിടെ നടന്ന “ഭാരത് മുനി സമ്മാന് സമരോഹ്” എന്ന പരിപാടിയിൽ സംസാരിക്കവേയായിരുന്നു അദ്ദേഹം ഇക്കാര്യം വ്യക്തമാക്കിയത്. സ്വാതന്ത്ര്യം ലഭിച്ച് വർഷങ്ങൾക്ക് ശേഷം ഭാരതം തന്റെ “ആത്മാഭിമാനം” കണ്ടെത്താനുള്ള പാതയിലാണെന്നും അദ്ദേഹം അഭിപ്രായപ്പെട്ടു.
“കലയെ ജനപ്രീതി നേടാനും സമൂഹത്തിൻ്റെ സംസ്കാരം മാറ്റാനും ഉപയോഗിച്ചു. ചിലപ്പോൾ, കല മോശമായ സംസ്കാരം പ്രചരിപ്പിക്കാൻ ഉപയോഗിക്കുന്നു. സംസ്കാർ ഭാരതി അതിനെ എതിർക്കാൻ തയ്യാറാകണം. സംസ്കാരഭാരതിക്ക് സ്വന്തം സംസ്കാരത്തിൻ്റെ വളർച്ചയ്ക്ക് കലാകാരന്മാരുടെ സേവനം ആവശ്യമാണ്. ഇത് ലോക സംസ്കാരത്തെ നയിക്കാൻ കഴിയുന്ന തരത്തിലായിരിക്കണം, ” – മോഹൻജി ഭാഗവത് പറഞ്ഞു
രാജ്യം ഉയിർത്തെഴുന്നേൽക്കുമെന്നും സ്വയം തിരിച്ചറിയുമെന്നും പറഞ്ഞ അദ്ദേഹം, അയോദ്ധ്യയിലെ ശ്രീരാമക്ഷേത്രത്തിൽ രാം ലല്ലയുടെ വരവോടെ ഭാരതത്തിന്റെ സ്വത്വവും മടങ്ങിയെത്തിയതായും അഭിപ്രായപ്പെട്ടു.
“ഇന്ത്യക്ക് സ്വാതന്ത്ര്യം ലഭിച്ചിട്ട് 75 വർഷം പിന്നിട്ടെങ്കിലും, ‘സ്വതന്ത്ര’ (സ്വാതന്ത്ര്യം) എന്നതിലെ ‘സ്വ’ (സ്വയം) അല്ലെങ്കിൽ ഇന്ത്യയുടെ ഭാരതീയത സ്വയം രൂപത്തിൽ ജനങ്ങളിൽ ഉയർന്നുവരാൻ വളരെയധികം സമയമെടുത്തു.,” മോഹൻജി ഭാഗവത് പറഞ്ഞു.
