പ്രപഞ്ചത്തിൽ കോടിക്കണക്കിന് 3 I അറ്റ്ലസുകൾ !! ഞെട്ടിക്കുന്ന കണക്ക് പുറത്തു വിട്ട് ശാസ്ത്രജ്ഞർ

പ്രപഞ്ചത്തിന്റെ അഗാധതയിൽ നിന്ന് നമ്മെ തേടിയെത്തുന്ന വിരുന്നുകാർ എപ്പോഴും കൗതുകമുണർത്തുന്നവരാണ്. അത്തരത്തിൽ സൗരയൂഥത്തിന് പുറത്തുനിന്ന് എത്തിയ ‘3I/ATLAS’ എന്ന ഇന്റർസ്റ്റെല്ലാർ ധൂമകേതു ശാസ്ത്രലോകത്ത് പുതിയ ചർച്ചകൾക്ക് വഴിതുറന്നിരിക്കുകയാണ്. നമ്മുടെ സൂര്യന്റെ ഗുരുത്വാകർഷണ വലയത്തിന് പുറത്തുനിന്നും ആകാശഗംഗയുടെ ഏതോ ഒരു കോണിൽ നിന്നും യാത്രതിരിച്ച ഈ ധൂമകേതു, വെറുമൊരു അപൂർവ്വ പ്രതിഭാസമല്ലെന്നും മറിച്ച് പ്രപഞ്ചത്തിൽ വ്യാപിച്ചുകിടക്കുന്ന കോടിക്കണക്കിന് സമാന വസ്തുക്കളിൽ ഒന്ന് മാത്രമാണെന്നുമാണ് പുതിയ പഠനങ്ങൾ സൂചിപ്പിക്കുന്നത്. പ്രമുഖ ശാസ്ത്രജ്ഞനായ അവി ലോബ് ഉൾപ്പെടെയുള്ളവർ ഈ കണ്ടെത്തലിനെ ഗൗരവത്തോടെയാണ് വീക്ഷിക്കുന്നത്. ഭൂമിയുടെ നിലനിൽപ്പിനിടയിൽ ഇത്തരത്തിലുള്ള ശതകോടിക്കണക്കിന് വസ്തുക്കൾ നമ്മുടെ ഗ്രഹത്തിന് സമീപത്തുകൂടി കടന്നുപോയിട്ടുണ്ടാകാമെന്നാണ് കണക്കാക്കപ്പെടുന്നത്. #3iatlas #interstellarcomet #astronomy #aviloeb #spaceexploration #milkyway #solarsystem #cosmicvoyager #astrophysics #cometdiscovery #deepspace #interstellarobjects #universe #scienceupdates #spacenews