Sunday, November 22, 2026

നെല്ലിക്ക പരിഹരിക്കും ഈ അഞ്ച് പ്രശ്‌നങ്ങള്‍

പോഷകങ്ങളുടെ കലവറയാണ് നെല്ലിക്ക.അതുകൊണ്ടു തന്നെ ഔഷധ മൂല്യങ്ങളുടെ കാര്യത്തിലും ഈ കൊച്ചുഫലത്തിന്റെ സ്ഥാനം വലുതാണ്. പലവിധ ആരോഗ്യപ്രശ്‌നങ്ങള്‍ക്കുള്ള ഒറ്റമൂലിയാണ് നെല്ലിക്ക. സ്ഥിരമായി ഭക്ഷണത്തില്‍ നെല്ലിക്ക ഉള്‍പ്പെടുത്തിയാല്‍ വിളര്‍ച്ച പോലുള്ള ആരോഗ്യപ്രശ്‌നങ്ങള്‍ നമ്മില്‍ നിന്ന് വിട്ടുനില്‍ക്കും. വിറ്റാമിന്‍ സി,വിറ്റാമിന്‍ ബി,അയേണ്‍,കാല്‍സ്യം എന്നിവ നല്ലതോതില്‍ നെല്ലിക്കയില്‍ അടങ്ങിയിട്ടുണ്ട്. ഇതൊരു പാരമ്പര്യ വൈദ്യത്തിന്റെ ഒഴിവാക്കാനാകാത്ത ചേരുവ കൂടിയാണ്.

നെല്ലിക്ക പരിഹരിക്കുന്ന ആരോഗ്യപ്രശ്‌നങ്ങള്‍

1.മുടിക്കൊഴിച്ചിലിന് പരിഹാരം
സ്ത്രീകളുടെ സ്ഥിരം സൗന്ദര്യപ്രശ്‌നങ്ങളിലൊന്നാണ് മുടിക്കൊഴിച്ചില്‍. ഇതിനുള്ള ഫലപ്രദമായ ഔഷധമാണ് നെല്ലിക്ക.നെല്ലിക്കയിട്ട് കാച്ചിയ എള്ളെണ്ണ കുളിക്കുന്നതിന് മുമ്പ് തലയോട്ടിയിലും മുടിയിലും തേച്ചുപിടിപ്പിക്കുന്നത് അകാലനരയെ പ്രതിരോധിക്കാനും മുടിക്കൊഴിച്ചില്‍ ഇല്ലാതാക്കാനും സഹായിക്കും.

2.മൂത്രതടസം മാറും
മൂത്രതടസ്സമുള്ളവര്‍ക്ക് ഉപകാരപ്പെടുന്ന ഔഷധമാണിത്. അരിക്കാടിയില്‍ നെല്ലിക്ക ചേര്‍ത്ത് അടിവയറ്റില്‍ പുരട്ടിയാല്‍ മൂത്രതടസ്സം മാറുമെന്ന് പാരമ്പര്യവൈദ്യം പറയുന്നു.

3.ചുളിവുകള്‍ മാറും
ചര്‍മ്മത്തിന് പ്രായം കുറയ്ക്കാന്‍ സഹായിക്കുന്ന ഫലമാണ് നെല്ലിക്ക. ചര്‍മ്മത്തിലെ ചുളിവുകള്‍ മാറാന്‍ നെല്ലിക്ക ചേര്‍ത്ത് തിളപ്പിച്ചാറിയ വെള്ളത്തില്‍ പതിവായി കുളിക്കുന്നത് ഫലം ചെയ്യും.

4.ബലക്ഷയവും ശരീരവേദനയും
നെല്ലിക്ക ശര്‍ക്കര ചേര്‍ത്ത് സ്ഥിരമായി കഴിച്ചാല്‍ ശരീരവേദന,ബലക്ഷയം എന്നിവ ഇല്ലാതാകും.
കുട്ടികളും സ്ത്രീകളും പതിവായി നെല്ലിക്ക കഴിക്കുന്നതിലൂടെ വിളര്‍ച്ച ഇല്ലാതാകും. രക്തക്കുറവ് മൂലം വരുന്ന പല രോഗങ്ങളും നെല്ലിക്ക ഡയറ്റില്‍ ഉള്‍പ്പെടുന്നത് വഴി തടയാം.

5.ദഹന പ്രക്രിയ എളുപ്പമാകും
വയറ്റിലെ ദഹന പ്രശ്‌നങ്ങളാണ് പലവിധ രോഗങ്ങള്‍ക്കും പ്രധാന കാരണം. ശരിയല്ലാത്ത ഭക്ഷണവും ഉറക്കവുമൊക്കെ ആരോഗ്യത്തെ ബാധിക്കുന്നു. അതുകൊണ്ടുതന്നെ വയറ് നന്നായാല്‍ ആരോഗ്യം നന്നായി എന്നാണ് പഴമക്കാര്‍ പറയുന്നത്. ദഹനപ്രക്രിയ സുഗമമാക്കാനുള്ള കഴിവ് നെല്ലിക്കയ്ക്ക് ഉണ്ട്. ഭക്ഷണത്തിന് മുമ്പ് നെല്ലിക്കയുടെ നീര് കഴിച്ചാല്‍ ദഹന പ്രശ്‌നങ്ങള്‍ മാറികിട്ടും.

Related Articles

Latest Articles