ചണ്ഡീഗഡ്: കൊറോണ വൈറസ് പോരാട്ടത്തിന് കൈകോര്‍ത്ത് യുവരാജ് സിങ്ങും. 50 ലക്ഷം രൂപയാണ് പ്രധാനമന്ത്രിയുടെ കെയേഴ്സ് ഫണ്ടിലേക്ക് സംഭാവന ചെയ്യുക. കൊറോണ വൈറസിനെതിരെയുള്ള പോരാട്ടത്തില്‍ ഒന്നിച്ചു നില്‍ക്കാനും യുവരാജ് ആവശ്യപ്പെട്ടു.
നമ്മള്‍ ഒരുമിച്ചു നില്‍ക്കുമ്പോൾ ശക്തരാണ്. ഇപ്പോള്‍ ദില്ലിയിൽ പൊലീസും കേന്ദ്ര സര്‍ക്കാരും കൊറോണ വൈറസിനെതിരായ യുദ്ധത്തിലാണ്. വീട്ടിലിരുന്നും 20 സെക്കന്‍ഡ് നേരം കൈകള്‍ കഴുകിയും സാമൂഹിക അകലം പാലിച്ചും നമ്മള്‍ക്കും ഈ യുദ്ധത്തില്‍ പങ്ക് ചേരാം.പ്രധാനമന്ത്രിയുടെ പിഎം കെയേഴ്സ് ഫണ്ടിലേക്ക് 50 ലക്ഷം രൂപ സംഭാവന നല്‍കുമെന്ന് ഞാന്‍ ഉറപ്പു നല്‍കുന്നു.നിങ്ങളാലാവുന്നത് നിങ്ങളും ചെയ്യുക എന്നും യുവരാജ് സിംഗ് ട്വിറ്ററിലൂടെ വ്യക്തമാക്കി.
