13കാരനിൽ നിന്ന് ഗർഭം ധരിച്ചു പ്രസവിച്ച് 31കാരിയായ യുവതി ;വെറുതെ വിട്ട് കോടതി ;വിവാദം ആളി കത്തുന്നു

വാഷിങ്ടൻ : പതിമൂന്നുകാരനായ കുട്ടിയിൽ നിന്ന് ഗർഭം ധരിച്ചു പ്രസവിച്ച 31 വയസ്സുകാരിയായ യുവതിയെ ശിക്ഷാനടപടികളിൽ നിന്ന് കോടതി ഒഴിവാക്കി. ആൻഡ്രിയ സെറാനോ എന്ന യുവതിയാണ് ഇപ്പോൾ കോടതി നടപടികളിൽ നിന്ന് രക്ഷപ്പെട്ടിരിക്കുന്നത്. കഴിഞ്ഞ വർഷം യുഎസിലെ കൊളറാഡോയിലാണ് ഈ വിചിത്ര സംഭവം റിപ്പോർട്ട് ചെയ്യപ്പെട്ടത്. പ്രായപൂർത്തിയാകാത്ത കുട്ടിയുമായി ശാരീരിക ബന്ധത്തിലേർപ്പെട്ടു എന്നതായിരുന്നു യുവതിക്കെതിരെ ചുമത്തപ്പെട്ടിരുന്ന പ്രധാന കുറ്റം. അമേരിക്കൻ നിയമപ്രകാരം പത്തുവർഷമെങ്കിലും തടവുശിക്ഷ ലഭിക്കാവുന്ന കുറ്റമാണിത്.

കുറ്റം നിഷേധിക്കുന്നില്ലെങ്കിലും യുവതിയെ ജയിലിൽ അടയ്ക്കരുതെന്ന് യുവതിയുടെ അഭിഭാഷകൻ അപേക്ഷിച്ചിരുന്നു. ഇത് കോടതി അംഗീകരിക്കുകയായിരുന്നു. എന്നാൽ ആൺകുട്ടിയുടെ അമ്മ ഈ കോടതി ഉത്തരവിനെതിരെ രംഗത്തു വന്നിട്ടുണ്ട്.

മകന്റെ കുട്ടിക്കാലം തകർക്കപ്പെട്ടുവെന്നും അവൻ ഒരു ഇരയായി മാറുകയായിരുന്നുവെന്നും അവർ വിലപിക്കുന്നു. പീ‍ഡിപ്പിക്കപ്പെട്ടത് ഒരു ചെറിയ പെൺകുട്ടിയും പീഡിപ്പിച്ചത് ഒരു യുവാവുമായിരുന്നെങ്കിൽ അപ്പോൾ സാഹചര്യങ്ങൾ മാറിമറിയുമായിരുന്നുവെന്നും ഇരയാക്കപ്പെട്ടത് ഒരു പെൺകുട്ടി അല്ല എന്ന കാരണത്താലാണ് എന്റെ മകന് നീതി നിഷേധിക്കപ്പെട്ടതെന്നും ആൺകുട്ടിയുടെ അമ്മ ആരോപിച്ചു.