ശിവസേന സ്ഥാപകൻ ബാലാസാഹേബ് താക്കറെയ്ക്ക് അദ്ദേഹത്തിന്റെ ജന്മവാർഷിക ദിനത്തിൽ ആദരാഞ്ജലി അർപ്പിച്ച് പ്രധാനമന്ത്രി നരേന്ദ്രമോദി. പൊതുജനക്ഷേമത്തിനും മഹാരാഷ്ട്രയുടെ വികസനത്തിനുമുള്ള പ്രതിബദ്ധതയ്ക്ക് ബാലാസാഹേബ് താക്കറെയെ രാജ്യം ബഹുമാനിക്കുകയും ഓർമ്മിക്കുകയും ചെയ്യുന്നുവെന്ന് പ്രധാനമന്ത്രി പറഞ്ഞു.
“ബാലാസാഹേബ് താക്കറെജിയുടെ ജന്മദിനത്തിൽ ഞാൻ ആദരാഞ്ജലി അർപ്പിക്കുന്നു. പൊതുജനക്ഷേമത്തിനും മഹാരാഷ്ട്രയുടെ വികസനത്തിനുമുള്ള പ്രതിബദ്ധതയ്ക്ക് അദ്ദേഹം പരക്കെ ബഹുമാനിക്കപ്പെടുകയും ഓർമ്മിക്കപ്പെടുകയും ചെയ്യുന്നു. തന്റെ അടിസ്ഥാന വിശ്വാസങ്ങളുടെ കാര്യത്തിൽ അദ്ദേഹം വിട്ടുവീഴ്ചയില്ലാത്തവനായിരുന്നു, ഇന്ത്യൻ സംസ്കാരത്തിന്റെ അഭിമാനം വർദ്ധിപ്പിക്കുന്നതിന് എല്ലായ്പ്പോഴും സംഭാവന നൽകി,”- പ്രധാനമന്ത്രി മോദി സമൂഹമാദ്ധ്യമങ്ങളിൽ കുറിച്ചു.
സനാതന സംസ്കാരത്തിന്റെയും ദേശീയതയുടെയും ആദർശങ്ങളോടുള്ള അദ്ദേഹത്തിന്റെ ആജീവനാന്ത സമർപ്പണം എടുത്തുപറയേണ്ടതാണെന്നും. ബാലാസാഹേബിന്റെ തത്വങ്ങളും അദ്ദേഹത്തിന്റെ പ്രത്യയശാസ്ത്രപരമായ ദൃഢതയും നമ്മെ എന്നെന്നേക്കുമായി പ്രചോദിപ്പിക്കുമെന്നും കേന്ദ്ര ആഭ്യന്തര മന്ത്രി അമിത്ഷായും അഭിപ്രായപ്പെട്ടു. മഹാരാഷ്ട്ര ഉപമുഖ്യമന്ത്രിയും ശിവസേന മേധാവിയുമായ ഏക്നാഥ് ഷിൻഡെയും ബാലാസാഹേബ് താക്കറെയ്ക്ക് ആദരാഞ്ജലികൾ അർപ്പിച്ചു.
