ന്യൂയോർക്ക്∙ അമേരിക്കയിലെ ഫിലാഡല്‍ഫിയയില്‍ മലയാളി യുവാവ് വെടിയേറ്റ് മരിച്ചു. കൊല്ലം ആയൂര്‍ മലപ്പേരൂര്‍ സ്വദേശി അഴകത്ത് വീട്ടില്‍ റോയ് ചാക്കോ ആശാ ദമ്പതികളുടെ മകൻ ജൂഡ് ചാക്കോ(21)യാണ് വെടിയേറ്റ് മരിച്ചത്. ജോലി സ്ഥലത്തുനിന്ന് താമസസ്ഥലത്തേക്ക് മടങ്ങുമ്പോൾ ഇന്ത്യന്‍ സമയം ഇന്നലെ വൈകുന്നേരമാണ് അ‍‍ജ്ഞാതനായ യുവാവ് ജൂഡിനെ വെടിവച്ചത്.
ബിബിഎ വിദ്യാർത്ഥിയായ ജൂഡ് പഠനത്തോടൊപ്പെം പാർട്ട് ടൈം ആയി ജോലിയും ചെയ്യുകയായിരുന്നു. ജൂഡ് ജനിച്ചതും വളര്‍ന്നതും അമേരിക്കയിലാണ്. സംസ്കാരം പിന്നീട് ഫിലാഡല്‍ഫിയയില്‍ പളളിയില്‍ നടക്കും.
