സഹകരണ മേഖലയിലെ പകല്‍ കൊള്ളകളില്‍ ഇടതു-വലതു മുന്നണികള്‍ തമ്മില്‍ പരസ്പര സഹകരണം കഴിഞ്ഞ ദിവസം നമ്മൾ ചർച്ച ചെയ്തിരുന്നു. ഇടതു-വലതു നേതൃത്വത്തിലുള്ള സഹകരണ സംഘങ്ങളിലെയും ബാങ്കുകളിലെയും ക്രമക്കേടുകള്‍ ഒരോ ദിവസവും പുറത്തുവരുമ്പോഴും പ്രതിഷേധിക്കുക പോലും ചെയ്യാതെ പരസ്പരം സംരക്ഷിക്കുകയാണ് ഇരുമുന്നണികളും. എന്നാൽ പാർട്ടിക്കുള്ളിൽ അത് നടക്കില്ലല്ലോ കാരണം പണ്ടുമുതലേ ഒരു പ്രശ്‌നം ഉണ്ടാകുമ്പോൾ പാർട്ടിയിലെ ആരുടെയെങ്കിലും തലയിൽ വെച്ച് അവരെ സസ്‌പെൻഡ് ചെയ്യുകയോ ഒഴിവാക്കിയോ ചെയ്ത് കേസ് ഒതുക്കും. എന്നാൽ ഇത്തവണ സർക്കാരിന്റെ ഈ പണി നടക്കില്ല അതുകൊണ്ട് തന്നെ പാർട്ടിയിൽ അടിയോടായ് ആണ്.
കരുവന്നൂര്‍ സഹകരണ ബാങ്ക് വായ്പാത്തട്ടിപ്പിനെച്ചൊല്ലി സിപിഎമ്മില്‍ പൊരിഞ്ഞ പോര്. സംസ്ഥാന സെക്രട്ടേറിയറ്റംഗവും മുന്‍ ജില്ലാ സെക്രട്ടറിയുമായ ബേബി ജോണ്‍ പരസ്യമായാണ് പൊട്ടിത്തെറിച്ചത്. ഇന്നലെ ജില്ലാ സെക്രട്ടേറിയറ്റിനു മുന്നോടിയായി ചേര്‍ന്ന നേതാക്കളുടെ അനൗദ്യോഗിക യോഗത്തിലും തര്‍ക്കങ്ങളുണ്ടായി. ബേബി ജോണ്‍ വിഭാഗവും എ.സി. മൊയ്തീന്‍ വിഭാഗവും രൂക്ഷമായ ചേരിപ്പോരിലാണ്.
