ബോളിവുഡിൽ ആമിർ ഖാൻ ചിത്രത്തിന് പഴയ പോലെ സ്വീകാര്യത ലഭിക്കുന്നില്ലെന്ന് വിലയിരുത്തൽ. താരത്തിന്റെ ഏറ്റവും പുതിയ ചിത്രം ലാൽ സിംഗ് ഛദ്ദ വലിയ പരാജയത്തിലേയ്ക്കാണ് നീങ്ങുന്നത്. ഓഗസ്റ്റ് 11ന് റിലീസ് ചെയ്ത ചിത്രത്തിന് 50 കോടി രൂപ പോലും നേടാൻ കഴിഞ്ഞിട്ടില്ല. 185 കോടിയാണ് ലാൽ സിംഗ് ഛദ്ദയുടെ മുതൽ മുടക്ക്. ചിത്രം 6 ദിവസം കൊണ്ട് നേടിയത് വെറും 48 കോടി മാത്രമാണ്. അടുപ്പിച്ച് ആമീറിന്റെ രണ്ടാമത്തെ ചിത്രമാണ് പരാജയപ്പെടുന്നത്. 2018 ൽ ഇറങ്ങിയ തഗ്സ് ഓഫ് ഹിന്ദോസ്ഥാനും പരാജയമായിരുന്നു. ഈ സിനിമ ആദ്യം ദിനം തന്നെ 50 കോടി നേടിയിരുന്നുവെങ്കിലും പിന്നീട് ബോക്സ്ഓഫീസിൽ തകർന്നടിച്ചു. ഇപ്പോൾ ലാൽ സിംഗ് ഛദ്ദ കൂടി പരാജയപ്പെട്ടതോടെ ആമീറിന്റെ താരത്തിളക്കത്തിന് മങ്ങലേൽക്കുകയാണ്.
ആമീറിന്റെ ലാൽ സിംഗ് ഛദ്ദയ്ക്ക് 75 കോടിക്കു മുകളിൽ കളക്ഷൻ നേടാൻ കഴിയില്ലെന്നാണ് ട്രേഡ് അനലിസ്റ്റുകൾ വിലയിരുത്തുന്നത്. കഴിഞ്ഞ വെള്ളിയാഴ്ച മാത്രം 1300 ഷോകളാണ് റദ്ദാക്കിയത്. ഹിന്ദിക്ക് പുറമെ തമിഴ്, കന്നഡ, തെലുങ്ക് ഭാഷകളിലും മൊഴിമാറ്റി എത്തിയ ചിത്രം ടോം ഹാങ്ക്സിന്റെ വിഖ്യാത ചിത്രം ഫോറസ്റ്റ് ഗംപിന്റെ (1994) റീമേക്കാണ്. ആമിർ ഖാനൊപ്പം കരീന കപൂർ, മോന സിംഗ്, നാഗ ചൈതന്യ എന്നിവരും ചിത്രത്തിൽ പ്രധാനവേഷത്തിലെത്തുന്നു. അതിഥി വേഷത്തിൽ ഷാരുഖ് ഖാൻ എത്തിയിട്ടും തിയറ്ററിലേയ്ക്ക് ജനങ്ങളെ എത്തിക്കാൻ ആമീർഖാൻ ചിത്രത്തിന് ആകുന്നില്ല.
നിർഭയയ്ക്ക് വേണ്ടി തെരുവിൽ ഇറങ്ങിയവർ ഇന്നിതാ ഒരു പ്രതിക്കായി തെരുവിലിറങ്ങുന്നു I SWATI MALIWAL
വാഷിംഗ്ടൺ : ബാൾട്ടിമോറിലെ ഫ്രാൻസിസ് സ്കോട്ട് കീ ബ്രിഡ്ജിൽ ഇടിച്ച് കയറിയ ദാലി കണ്ടെയ്നർ ഷിപ്പിനെ നാളെയോടെ ചലിപ്പിക്കാനാകുമെന്ന് അധികൃതർ.…
ആ വലിയ രഹസ്യം ചോർത്തുക ലക്ഷ്യം! ദലൈലാമയുടെ പിന്നാലേ ചൈനീസ് ചാരന്മാർ ?
പന്തീരങ്കാവ് ഗാർഹിക പീഡന കേസിലെ പ്രതി രാഹുലിന്റെ കാർ അന്വേഷണ സംഘം കസ്റ്റഡിയിൽ എടുത്തു. പരിശോധനയിൽ കാറിന്റെ സീറ്റിൽ രക്തക്കറ…
എൻജിനിൽ തീ കണ്ടെത്തിയതിനെ തുടര്ന്ന് അടിയന്തിരമായി തിരിച്ചിറക്കിയ ബെംഗളൂരു-കൊച്ചി എയർ ഇന്ത്യ എക്സ്പ്രസ് വിമാനത്തിലെ യാത്രക്കാർക്ക് കൊച്ചിയിലേക്ക് തിരിക്കാന് ഒരുക്കിയ…
ഗുണ്ടകൾക്കെതിരേ മൂന്നുദിവസമായി സംസ്ഥാന വ്യാപകമായി നടക്കുന്ന പരിശോധനയിൽ അറസ്റ്റിലായത് 5,000 പേർ. ഗുണ്ടകൾക്കെതിരായ ഓപ്പറേഷൻ ആഗ്, ലഹരിമാഫിയകൾക്കെതിരേയുള്ള പരിശോധനയായ ഡി-ഹണ്ട്…