“ഞാനും മരിക്കുവോളം” അറം പറ്റിയ വാക്കുകൾ, നടന്‍ അനില്‍ നെടുമങ്ങാട് മുങ്ങി മരിച്ചു

തിരുവനന്തപുരം: നടന്‍ അനില്‍ നെടുമങ്ങാട് (48) മുങ്ങി മരിച്ചു. തൊടുപുഴ മലങ്കര ഡാമില്‍ കുളിക്കാനിറങ്ങിയപ്പോള്‍ കയത്തില്‍പ്പെടുകയായിരുന്നു. ഷൂട്ടിങ്ങിനിടെ കൂട്ടുകാർക്കൊപ്പം കുളിക്കാനിറങ്ങിയതാണ്. അദ്ദേഹത്തിൻ്റെ മൃതദേഹം രക്ഷാ പ്രവര്‍ത്തകര്‍ കരയ്ക്ക് എത്തിച്ചു. ജോജു നായകനാവുന്ന പുതിയ നായകനാവുന്ന ചിത്രത്തിൻ്റെ ഷൂട്ടിംഗിനായാണ് അനിൽ തൊടുപുഴയിൽ എത്തിയത്. അയ്യപ്പനും കോശിയിലൂടെയും ശ്രദ്ധ നേടിയ നടനായിരുന്നു അനില്‍. കമ്മട്ടിപ്പാടം, അയ്യപ്പനും കോശിയും, പാപം ചെയ്യാത്തവര്‍ കല്ലെറിയട്ടെ എന്നീ സമീപകാല ചിത്രങ്ങളിൽ പ്രധാന വേഷങ്ങള്‍ ചെയ്തിരുന്നു. 1972ല്‍ നെടുമങ്ങാട് ജനിച്ച അനില്‍ ടെലിവിഷന്‍ ചാനലുകളില്‍ അവതാരകനായും പ്രോ​ഗ്രാം പ്രൊഡ്യൂസറായും പ്രവര്‍ത്തിച്ചിട്ടുണ്ട്.

എട്ട് മണിക്കൂര്‍ മുൻപേ അദ്ദേഹം തൻ്റെ ഫേസ്ബുക്ക് പേജിലിട്ട പോസ്റ്റ് ഇപ്പോൾ
അറം പറ്റിയിരിക്കുകയാണ്.
അ​നി​ലി​ന്‍റെ ഫോ​സ്ബു​ക്ക് പോ​സ്റ്റ്:
ഈ ദിവസം ഇങ്ങേരെ കുറിച്ചാണ് എഴുതേണ്ടത് .. ഒന്നും എഴുതാനും കഴിയുന്നില്ല. ഞാനും മരിക്കുവോളം എഫ് ബി യിലെ കവർ ഫോട്ടോയായിട്ട് നിങ്ങളിങ്ങിനെ …. ഷൂട്ടിനിടയിൽ ഒരു ദിവസം എന്റെതല്ലാത്ത കുറ്റം കൊണ്ട് എത്താൻ ലേറ്റായപ്പോ കുറച്ച് സെക്കന്റ് എന്റെ കണ്ണിൽ നോക്കിയിരുന്നിട്ട് നീയും സ്റ്റാറായി അല്ലേ .? ഞാൻ പറഞ്ഞു ആയില്ല ആവാം .ചേട്ടൻ വിചാരിച്ചാൽ ഞാൻ ആവാം….സിഐ സതീഷ് എന്ന കഥാപാത്രത്തിനെ സച്ചിച്ചേട്ടനെ ഞാൻ നിരീക്ഷിച്ച് അവതരിപ്പിച്ചതാണ് .സച്ചിയുടെ സംസാരവും പെരുമാറ്റവും ഒക്കെ ഞാൻ ചേട്ടനോട് പറയാതെ അനുകരിക്കുകയായിരുന്നു….