കൊച്ചി: നടിയെ ആക്രമിച്ച കേസില്‍ അമ്മ ജനറല്‍ സെക്രട്ടറി ഇടവേള ബാബു, കാവ്യാ മാധവന്റെ അമ്മ ശ്യാമള എന്നിവരെ വിസ്തരിച്ചു. അവധി അപേക്ഷ നല്‍കിയ നടന്‍ കുഞ്ചാക്കോ ബോബനോട് തിങ്കളാഴ്ച ഹാജരാകാന്‍ കോടതി നിര്‍ദേശിച്ചു. ആക്രമിക്കപ്പെട്ട നടിയുടെ ക്രോസ് വിസ്താരത്തിനുള്ള തീയതി ഇന്ന് നിശ്ചയിക്കും.
നടിയെ ആക്രമിച്ച കേസില്‍ പ്രമുഖ സാക്ഷികളുടെ വിസ്താരമാണ് കൊച്ചിയിലെ പ്രത്യേക വിചാരണക്കോടതിയില്‍ തുടരുന്നത്. കാവ്യാ മാധവന്റെ അമ്മ ശ്യാമളയെയാണ് ഇന്ന് ആദ്യം വിസ്തരിച്ചത്. ദിലീപുമായി കാവ്യയ്ക്ക് ബന്ധമുണ്ടെന്ന കാര്യം മഞ്ജുവാര്യരുമായി സംസാരിച്ചിരുന്നുവെന്ന് കേസിന്റെ അന്വേഷണ വേളയില്‍ ശ്യാമള മൊഴി നല്‍കിയിരുന്നു. ഇതടക്കമുള്ള കാര്യങ്ങളിലാണ് പ്രോസിക്യൂഷന്‍ വ്യക്തത തേടുന്നത്.
താരസംഘടനയായ അമ്മയുടെ നേതൃത്വത്തില്‍ നടന്ന സ്റ്റേജ് ഷോയ്ക്കിടെ ആക്രമിക്കപ്പെട്ട നടിയും ദിലീപും തമ്മില്‍ തര്‍ക്കമുണ്ടായിരുന്നു. ജനറല്‍ സെക്രട്ടറിയെന്ന നിലയില്‍ ഷോയുടെ ചുമതല വഹിച്ചിരുന്നത് ഇടവേള ബാബുവാണ്. ഇക്കാര്യങ്ങളാണ് ഇടവേള വാബുവിന്റെ മൊഴിയില്‍ പ്രധാനം. അവധി അപേക്ഷ നല്‍കാതെ ഹാജരാകാതിരുന്ന നടന്‍ കുഞ്ചാക്കോ ബോബന് കോടതി അറസ്റ്റ് വാറന്റയച്ചിരുന്നു.
ഇതോടെ അഭിഭാഷകന്‍ വഴി അവധി അപേക്ഷ നല്‍കിയ കുഞ്ചാക്കോ ബോബനോട് 9-ാം തീയതി ഹാജരാകാന്‍ കോടതി നിര്‍ദേശിച്ചു. ഇതുവരെ 38 സാക്ഷികളുടെ വിസ്താരം പൂര്‍ത്തിയായി. ഇരയും ഒന്നാം സാക്ഷിയുമായ നടിയുടെ ക്രോസ് വിസ്താരത്തിനുള്ള തീയതി ഇന്ന് തീരുമാനിക്കും. തെളിവായ ദൃശ്യങ്ങളുടെ ഫോറന്‍സിക് റിപ്പോര്‍ട്ട് ലഭിക്കാതിരുന്നതാണ് ക്രോസ് വിസ്താരം വൈകിപ്പിച്ചത്.
ന്യൂഡല്‍ഹി: 590 ദിവസങ്ങള്‍ക്ക് ശേഷം നീല ഡ്രം കൊലക്കേസില്‍ മീററ്റ് കോടതി വിധി പ്രഖ്യാപിച്ചു. മര്‍ച്ചന്റ് നേവി ഉദ്യോഗസ്ഥനായ സൗരഭ്…
തിരുവനന്തപുരം : നെടുമ്പാശ്ശേരി വാഹനാപകടത്തില്‍ കുറ്റക്കാര്‍ക്കെതിരെ ശക്തമായ നടപടി സ്വീകരിക്കുമെന്ന് ആഭ്യന്തരമന്ത്രി രമേശ് ചെന്നിത്തല. കേസില്‍ ഉള്‍പ്പെട്ട ഒരു പ്രതിയെയും…
തിരുവനന്തപുരം : ബംഗളൂരു ആസ്ഥാനമായി പ്രവര്‍ത്തിക്കുന്ന വൈദിക് ധര്‍മ്മ സന്‍സ്ഥാന്റെ ആഭിമുഖ്യത്തില്‍ ഗുരുദേവ് ശ്രീ ശ്രീ രവിശങ്കര്‍ജിയുടെ നിര്‍ദേശപ്രകാരം രാജ്യത്തെ…
ഈ വര്‍ഷത്തെ ദുര്‍ഗ്ഗാഷ്ടമി ദിനമായ ഒക്ടോബര്‍ 19-ന് കേരളത്തിലെ ബാങ്കുകള്‍ക്ക് നെഗോഷ്യബിള്‍ ഇന്‍സ്ട്രുമെന്റ്‌സ് (എന്‍.ഐ.) ആക്ട് പ്രകാരം പൊതുഅവധി പ്രഖ്യാപിക്കണമെന്ന്…
നവരാത്രി ആഘോഷങ്ങളുടെ ഭാഗമായി ബിഹാറിലെ സമസ്തിപൂര്‍ ജില്ലയില്‍ അസാധാരണമായ ഭക്തിപ്രകടനവുമായി 35 കാരിയായ സ്ത്രീ ശ്രദ്ധനേടുന്നു. ദുര്‍ഗ്ഗാദേവി പ്രീതിക്കായി മധുമല…
ബെര്‍ലിന്‍ : ജര്‍മനിയിലെ കൊളോണ്‍ നഗരത്തില്‍ 16 വയസ്സുകാരിയായ പെണ്‍കുട്ടിക്ക് നേരെ ഹ്യൂമനോയിഡ് റോബോട്ടിന്റെ ലൈംഗികാതിക്രമം. ഒരു റസ്റ്ററന്റിന് പുറത്തുവെച്ച്…