തെലുങ്ക് യുവ താരത്തില്‍ നിന്ന് നടി ഹൻസികയ്ക്ക് ദുരനുഭവം ഉണ്ടായെന്ന് പല മാദ്ധ്യമങ്ങളും റിപ്പോർട്ട് ചെയ്തിരുന്നു.എന്നാൽ അത്തരത്തിൽ തനിക്ക് യാതൊരു ദുരനുഭവങ്ങളും ഉണ്ടായില്ലെന്നും ദയവായി ഇത്തരത്തിൽ തെറ്റായ വാർത്ത കൊടുത്ത് പ്രചരിപ്പിക്കരുതെന്നും ഹൻസിക പ്രതികരിച്ചു.തന്റെ ട്വിറ്ററിലൂടെയാണ് ഹൻസിക പ്രതികരണം അറിയിച്ചത്.ഒരാളെ വ്യക്തിപരമായി അപമാനിക്കുന്നതിന് തുല്യമാണെന്നുംഇത്തരത്തിൽ വ്യാജ പ്രചാരങ്ങൾ ഒഴിവാക്കുവാനും ഹൻസിക മാദ്ധ്യമങ്ങളോട് പറഞ്ഞു.
ഹൻസിക മൊട്‍വാനിയുടെ വിവാഹം കഴിഞ്ഞ വര്‍ഷം അവസാനമായിരുന്നു കഴിഞ്ഞത്. മുംബൈ വ്യവസായി സുഹൈല്‍ കതൂരിയാണ് ഹൻസികയുടെ വരൻ.നടി ഹൻസികയുടെ വിവാഹ വീഡിയോ ഒടിടിയില്‍ സ്‍ട്രീമിംഗ് ചെയ്തിരുന്നു. ഡിസ്‍നി പ്ലസ് ഹോട് സ്റ്റാറില്‍ ‘ഹൻസികാസ് ലവ് ശാദി ഡ്രാമ’ എന്ന പേരില്‍ ഒരു ഷോയാണ് വിവാഹ വീഡിയോ സ്‍ട്രീം ചെയ്‍തത്. ജയ്‍പൂരിലെ മുണ്ടോട്ട കോട്ടയില്‍ വെച്ചായിരുന്നു വിവാഹ ആഘോഷം നടന്നത്. ഹൻസിക മൊട്‍വാനി തന്റെ വിവാഹ വിശേഷങ്ങള്‍ക്ക് അപ്പുറത്തെ കാര്യങ്ങളും ‘ഹൻസികാസ് ലവ് ശാദി ഡ്രാമ’യില്‍ വെളിപ്പെടുത്തിയിരുന്നു.
