നവ്യ വിവാഹമോചനത്തിലേക്കോ? ഭർത്താവ് എവിടെ എന്ന് നവ്യയോട് ചോദിച്ചവർക്കുള്ള ഉത്തരമിതാ; നടിയുടെ മറുപടിയായി പുതിയ ചിത്രങ്ങൾ

മകൻ സായി കൃഷ്ണയുടെ പിറന്നാൾ ചിത്രങ്ങൾ പോസ്റ്റ് ചെയ്തതിനു ശേഷം നടി നവ്യ നായർക്ക് നേരെ അതിരൂക്ഷമായ ആക്രമണമാണ് സൈബർ ഇടത്തിൽ നിന്നും ഉയർന്നത്. നവ്യ നേരിടേണ്ടിവന്ന ചോദ്യങ്ങളേറെയും ഭർത്താവ് സന്തോഷിനെക്കുറിച്ചായിരുന്നു.

ഭർത്താവ് സന്തോഷ് എവിടെ? മകന്റെ പിറന്നാളിന് എന്തുകൊണ്ട് വന്നില്ല? നവ്യ വിവാഹമോചിത ആവുന്നോ തുടങ്ങിയ ചോദ്യങ്ങളായിരുന്നു കമന്റ് ബോക്‌സിൽ നിറഞ്ഞത്. എന്നാലിപ്പോൾ ഈ ചോദ്യങ്ങൾക്കെല്ലാം ചില ചിത്രങ്ങളിലൂടെ മറുപടി കൊടുത്തിരിക്കുകയാണ് താരം.

ഭർത്താവിന്റെ അമ്മയ്ക്കും സഹോദരിക്കും ഒപ്പമുള്ള ചിത്രങ്ങളാണ് ഫേസ്ബുക്ക് പേജിൽ പോസ്റ്റ് ചെയ്തിരിക്കുന്നത്. സന്തോഷിന്റെ നാടായ കോട്ടയം പെരുന്നയിലുള്ള അമ്പലത്തിലെ ആറാട്ട് ഉത്സവത്തിന് എത്തിയതാണ് നവ്യ. തുടർന്ന് ഇവർ കേക്ക് മുറിക്കുന്ന ചിത്രങ്ങളാണ് നവ്യ കഴിഞ്ഞ ദിവസം സോഷ്യൽ മീഡിയയിൽ പോസ്റ്റ് ചെയ്തത്. ഇത് ആരുടേയും ജന്മദിനമല്ല, പക്ഷെ തന്റെയൊപ്പം പങ്കിടാൻ ഭർതൃ വീട്ടിൽ ഒരുങ്ങിയ കേക്ക് ആണിതെന്നും താരം കുറിച്ചു.

നീണ്ട ഇടവേളയ്ക്ക് ശേഷം സിനിമയിലേക്ക് തിരിച്ചുവരവ് നടത്തിയിരിക്കുകയാണ് നവ്യ. വി കെ പ്രകാശ് ചിത്രം ‘ഒരുത്തീ’യിലൂടെയാണ് മലയാളത്തിലെ നവ്യയുടെ രണ്ടാം വരവ്. ഈ ചിത്രത്തിലെ അഭിനയത്തിന് ഈ വർഷത്തെ മികച്ച നടിക്കുള്ള ജെസി ഡാനിയേൽ ഫൗണ്ടേഷൻ ചലച്ചിത്ര പുരസ്കാരം നവ്യ നേടി. ദൃശ്യം 2 വിന്റെ കന്നഡ റീമേക്കാണ് തിരിച്ചുവരവിൽ നവ്യ അഭിനയിച്ച മറ്റൊരു ചിത്രം.