കോൺഗ്രസ്സ് നേതാവും വയനാട് എം.പിയുമായ രാഹുല്‍ ഗാന്ധിയെ ട്രോളി സംവിധായകന്‍ അലി അക്ബര്‍. ‘വൈകിപ്പോയി ഇല്ലെങ്കില്‍ ഞാന്‍ വേറെ ആളെ കാസ്റ്റ് ചെയ്യില്ലായിരുന്നു എന്നാണ് സംവിധായകന്‍ തന്റെ ഫേസ്‌ബുക്കില്‍ കൂടി പങ്കുവെച്ചത്.
മുസ്ലീം പുരോഹിതര്‍ക്കൊപ്പം രാഹുല്‍ ഗാന്ധി പ്രാര്‍ത്ഥിക്കുന്നതിന്റെ ഒരു ചിത്രം പങ്കുവെച്ചുകൊണ്ടായിരുന്നു അലി അക്ബറിന്റെ പരിഹാസം പോസ്റ്റ്. അലി അക്ബറിന്റെ പുഴ മുതല്‍ പുഴ വരെ എന്ന ചിത്രത്തിലേക്ക് പരിഗണിക്കാമായിരുന്നു എന്നാണ് അദ്ദേഹം പറഞ്ഞത്.
മുസ്ലീം പുരോഹിതര്‍ക്കൊപ്പം രാഹുല്‍ പ്രാര്‍ത്ഥിക്കുന്നതിന്റെ പഴയ ചിത്രമാണ് അലി അക്ബർ പോസ്റ്റ് ചെയ്തത്. തലയില്‍ തൊപ്പി ധരിച്ച്‌, മുതിര്‍ന്ന കോണ്‍ഗ്രസ് നേതാവ് ഗുലാം നബി ആസാദിനൊപ്പം രാഹുല്‍ പ്രാര്‍ത്ഥന നടത്തുന്നത് ചിത്രത്തില്‍ കാണാം.
മലബാര്‍ കലാപം പ്രമേയമാക്കി ഒരുക്കുന്ന അലി അക്ബറിന്റെ ‘1921 പുഴ മുതല്‍ പുഴ വരെ’ സിനിമയുടെ ലൊക്കേഷന്‍ ചിത്രങ്ങള്‍ സംവിധായകന്‍ പുറത്തുവിട്ടിരുന്നു. വയനാട്ടില്‍ നടന്ന ഷൂട്ടിങിന്റെ ലൊക്കേഷന്‍ ചിത്രങ്ങള്‍ അലി അക്ബര്‍ പങ്കുവച്ചിരുന്നു.എന്നാൽ ഇതില്‍ ഏറ്റുമുട്ടല്‍ രംഗങ്ങളില്‍ ഉപയോഗിക്കാന്‍ സിനിമയ്ക്കായി നിര്‍മിച്ച ‘യുദ്ധടാങ്കര്‍’ ട്രോളര്‍മാര്‍ ഏറ്റെടുത്തിരുന്നു. സിനിമയുടെ ചിത്രീകരണം പൂര്‍ത്തിയായതായും ചിത്രം റിലീസിന് തയാറെടുക്കുകയാണെന്നും അലി അക്ബര്‍ പറയുന്നു.
അതേസമയം 80 കോടിക്ക് പലരും ചെയ്യാനിരുന്ന സിനിമ രണ്ടു കോടിക്ക് താഴെ ഞാന്‍ ചെയ്തു തീര്‍ത്തതിന്റെ അസൂയയാണ് പലര്‍ക്കെന്നും സംവിധായകന്‍ മുന്‍പ് വ്യക്തമാക്കിയിരുന്നു.
