രാഹുല്‍ തൊഴില്‍ രഹിതനാണെന്നുവച്ച് യുവാക്കളെല്ലാം അങ്ങനെയല്ല;പപ്പുമോനെ വലിച്ചുകീറി അണ്ണാമലൈ !

വിദേശ രാജ്യങ്ങളിലടക്കം ഇന്ത്യയെ മോശമായി ചിത്രീകരിക്കാൻ ശ്രമിക്കുന്ന രാഹുൽ ​ഗാന്ധിയ്‌ക്കെതിരെ തുറന്നടിച്ച് തമിഴ്നാട് ബിജെപി സംസ്ഥാന അദ്ധ്യക്ഷൻ കെ. അണ്ണാമലൈ. കോൺഗ്രസ് നേതാവ് തൊഴിൽ രഹിതനായതുകൊണ്ട് രാജ്യത്തെ യുവാക്കൾ തൊഴിൽ രഹിതരാണെന്ന് അർത്ഥമാക്കുന്നില്ല എന്ന് അണ്ണാമലൈ രാഹുൽ ഗാന്ധിയെ പരിഹസിച്ചു. 2024-ലെ തിരഞ്ഞെടുപ്പിൽ ദക്ഷിണേന്ത്യൻ സംസ്ഥാനങ്ങൾ ബിജെപിയുടെ വിജയത്തിന് നിർണായക പങ്കുവഹിക്കുമെന്നും അണ്ണാമലൈ വ്യക്തമാക്കി. ഇന്ത്യാ ടുഡേ കോൺക്ലേവ് സൗത്തിൽ പങ്കെടുത്തുകൊണ്ട് ചോദ്യങ്ങൾക്ക് മറുപടി പറയുകയായിരുന്നു അദ്ദേഹം. കോൺ​ഗ്രസുകാർ ഹൈക്കമാൻഡ് എന്ന വാക്ക് ഉപയോഗിക്കുന്നു. കോൺഗ്രസിന്റെ ഈ സംസ്കാരം കാരണം ദേശീയ പാർട്ടികൾക്ക് തമിഴ്‌നാട്ടിൽ ചീത്തപ്പേരുണ്ടായെന്നും അണ്ണാമലൈ തുറന്നടിച്ചു. പക്ഷേ, എനിക്ക് മോദിജിയെ കാര്യകർത്താവ് എന്ന് അഭിമാനത്തോടെ വിളിക്കാം. രാഹുൽ ഗാന്ധിയ്‌ക്ക് തൊഴിലില്ലെന്ന് വച്ച് രാജ്യത്തെ യുവാക്കൾ മുഴുവൻ തൊഴിൽരഹിതരാണെന്ന് പറയുന്നതിൽ അർത്ഥമില്ല. കൂടാതെ കർണാടക തിരഞ്ഞെടുപ്പിൽ ബിജെപി മികച്ച പ്രകടനം കാഴ്ച വച്ചുവെന്നും തണ്ടാളുടെ വോട്ട് വിഹിതം തങ്ങൾ നിലനിർത്തിയെന്നും അണ്ണാമലൈ വ്യക്തമാക്കി.

കൂടാതെ 2024-ൽ ബിജെപിയുടെ വിജയത്തിന് ദക്ഷിണേന്ത്യൻ സംസ്ഥാനങ്ങൾ നിർണായക പങ്കു വഹിക്കും. തമിഴ്‌നാട്, തെലങ്കാന, കർണാടക, കേരളം എന്നിവിടങ്ങളിൽ മാറ്റങ്ങൾ ഉണ്ടാവുമെന്നും അണ്ണാമലൈ തുറന്നടിച്ചു. 2014-ന് മുമ്പ് ദക്ഷിണേന്ത്യൻ രാഷ്‌ട്രീയം വ്യത്യസ്തമായിരുന്നു. തമിഴ്‌നാട്ടിൽ വൈകിയാണ് ബിജെപി തുടക്കം കുറിച്ചത്. 2014-ന് ശേഷമാകാട്ടെ പാർട്ടി വളരെയധികം വളർന്നുവെന്നും പ്രധാനമന്ത്രി നരേന്ദ്രമോദി നടത്തിയ വികസന പ്രവർത്തനങ്ങളുടെയും സാംസ്കാരിക അനുരണനത്തിന്റെയും നേർകാഴ്ചയാണിതെന്നും അണ്ണാമലൈ പറഞ്ഞു.

അതേസമയം, രാഹുൽ ഗാന്ധിയുടെ മുസ്ലീം ലീഗ് അനുകൂല പരാമർശത്തിൽ രാഷ്ട്രീയ വിവാദം പുകയുകയാണ്. രാജ്യത്തിന്റെ വിഭജനത്തിന് കാരണമായ മുഹമ്മദലി ജിന്നയുടെ മുസ്ലീം ലീഗിന് അനുകൂലമായി രാഹുൽ നടത്തിയ പരാമർശം ദൗർഭാഗ്യകരമാണെന്ന് ബിജെപി ആരോപിച്ചു. ഇന്ത്യൻ യൂണിയൻ മുസ്ലീം ലീഗ് തികച്ചും മതേതര പാർട്ടിയാണെന്നാണ് വാഷിംഗ്ടൺ ഡിസിയിലെ നാഷണൽ പ്രസ് ക്ലബ്ബിൽ മാധ്യമങ്ങളോട് സംസാരിക്കവെ രാഹുൽ ഗാന്ധി പറഞ്ഞത്. ഇന്ത്യാ വിഭജനത്തിന് കാരണം ജിന്നയും മുസ്ലീം ലീഗുമാണ്. ഇത് അംഗീകരിക്കുകയും മതേതര പാർട്ടിയെന്ന് വിളിക്കുകയും ചെയ്യുന്ന രാഹുൽ ഗാന്ധിയുടെ ചിന്തയ്ക്ക് പിന്നിൽ എന്താണെന്ന് രാജ്യത്തെ ജനങ്ങൾക്ക് അറിയാമെന്ന് ബിജെപി വക്താവ് സംബിത് പത്രയും കേന്ദ്രമന്ത്രി കിരൺ റിജ്ജുവും തുറന്നടിച്ചിരുന്നു.