തിരുവനന്തപുരം: തലസ്ഥാനത്ത് വീണ്ടും വന്‍ തിമിംഗല ഛര്‍ദ്ദി വേട്ട. വെഞ്ഞാറമൂട്ടില്‍ നിന്ന് നാല് കോടിയോളം വില വരുന്ന തിമിംഗല ഛര്‍ദ്ദി പിടികൂടി. ചന്തവിള സ്വദേശി ഗരീബിനെയാണ് പിടികൂടിയത്. ഇയാളിൽ നിന്നും 2 ഗ്രാം എം ഡി എം എ, 15 – 10 ആഷിഷ് ഓയിൽ എന്നിവയും പിടികൂടി.
വാമനപുരം എക്സൈസ് സംഘമാണ് പരിശോധന നടത്തിയത്. കോടികളാണ് ഈ ആമ്പര്‍ഗ്രിസിന് വിപണിയില്‍ ലഭിക്കുക.ഖരരൂപത്തില്‍ മെഴുക് പോലെയാണ് ഇത് കാണപ്പെടുക.സ്‌പേം തിമിംഗലങ്ങളുടെ ഉദരത്തില്‍ സൃഷ്ടിക്കപ്പെടുന്ന തവിട്ടു നിറത്തോടുകൂടിയ മെഴുകുപോലുള്ള വസ്തുവാണിത്.വിപണിയില്‍ സ്വര്‍ണത്തോളം വിലമതിക്കുന്ന വസ്തുവാണിത്.പ്രധാനമായും സുഗന്ധദ്രവ്യങ്ങള്‍ നിര്‍മിക്കാനാണ് ആമ്പര്‍ഗ്രിസ് ഉപയോഗിക്കുക. ദീര്‍ഘനേരം സുഗന്ധം നിലനില്‍ക്കാനാണ് സുഗന്ധദ്രവ്യങ്ങള്‍ നിര്‍മിക്കുമ്പോള്‍ ഇവ ഉപയോഗിക്കുന്നത്.
