രാഷ്ട്രീയ ഏകതാ ദിവസത്തിൽ കോൺഗ്രസിന്റെ പ്രീണന രാഷ്ട്രീയത്തെ രൂക്ഷമായി വിമർശിച്ച് കേന്ദ്ര ആഭ്യന്തര മന്ത്രി അമിത് ഷാ. കോൺഗ്രസിന്റെ പ്രീണന രാഷ്ട്രീയം രാജ്യത്തെ വിഭജിക്കുകയും വികസനം ഇല്ലാതാക്കുകയും ചെയ്തുവെന്ന് അദ്ദേഹം പറഞ്ഞു. നാനാത്വത്തെ ധ്രുവീകരണത്തിനായി ഉപയോഗിക്കുന്നവരാണ് നമ്മെ വിഭജിക്കാനും മുൻകൈ എടുക്കുന്നതെന്നും അദ്ദേഹം പറഞ്ഞു .
കോൺഗ്രസ് അധികാരത്തിലിരുന്നപ്പോഴാണ് ഉത്തരാഖണ്ഡിൽ ദേശീയപാതകളിൽ ഗതാഗതം തടസ്സപ്പെടുത്തി വെള്ളിയാഴ്ചകളിൽ നിസ്കരിക്കാൻ അനുവാദം നൽകിയതെന്നും അദ്ദേഹം ആരോപിച്ചു. ‘ഭാരത് മാതാ കീ ജയ്‘ വിളികളോടെയാണ് ജനക്കൂട്ടം അമിത് ഷായുടെ വാക്കുകൾ സ്വീകരിച്ചത്. കോൺഗ്രസ് സ്വന്തം താത്പര്യങ്ങൾക്ക് വേണ്ടി വോട്ട് ബാങ്ക് രാഷ്ട്രീയം ഉപയോഗിച്ചുവെന്നും. സമൂഹത്തിൽ വിനാശത്തിന്റെ വിത്ത് വിതച്ചത് വോട്ടുബാങ്ക് രാഷ്ട്രീയമാണെന്ന് കേന്ദ്ര മന്ത്രി മുക്താർ അബ്ബാസ് നഖ്വി പറഞ്ഞു.

