തലസ്ഥാന നഗരത്തിൽ വീണ്ടും ഗുണ്ടാ ആക്രമണം: യുവാവിനെ വെട്ടിപരിക്കേൽപ്പിച്ചു, ആക്രമിച്ചത് ബൈക്കിലെത്തിയ നാലംഗസംഘം

തിരുവനന്തപുരം: തലസ്ഥാന നഗരത്തിൽ വീണ്ടും ഗുണ്ടാ ആക്രമണം. അട്ടക്കുളങ്ങര ജംഗ്ഷനിൽ വച്ചാണ് ഗുണ്ടാ സംഘം യുവാവിനെ വെട്ടിപ്പരിക്കേൽപ്പിച്ചത് . ബൈക്കിലെത്തിയ നാലംഗസംഘമാണ് ആക്രമണം നടത്തിയത്. രാത്രി ഒന്നരയോടെയായിരുന്നു സംഭവം നടന്നത്. പൂജപ്പുര സ്വദേശി മുഹമ്മദലി എന്ന യുവാവാണ് ഗുണ്ടകളുടെ ആക്രമണത്തിനിരയായത്.

പരിക്കേറ്റ മുഹമ്മദലി എന്ന യുവാവിനെ ഉടൻ തന്നെ സ്വകാര്യ ആശുപത്രിയിൽ പ്രവേശിപ്പിച്ചു. ബൈക്കിലെത്തിയ നാലംഗസംഘത്തെക്കുറിച്ച് ഇതുവരെ ഒരു വിവരവും ലഭിച്ചിട്ടില്ല. ഇവർക്കായുള്ള അന്വേഷണം പോലീസ് ആരംഭിച്ചിട്ടുണ്ട്.