കണ്ണൂര്: തെരുവുനായയുടെ ആക്രമണത്തില് വിദ്യാര്ത്ഥിക്ക് ഗുരുതര പരിക്ക്. ചമ്പാട് വെസ്റ്റ് യുപി സ്കൂളിലെ അഞ്ചാം ക്ലാസ് വിദ്യാര്ത്ഥിയായ മുഹമ്മദ് റഫാന് റഹീസിനാണ് പരിക്കേറ്റത്. കൈയ്ക്കും കാലിനും ഗുരുതരമായി പരിക്കേറ്റ കുട്ടി പരിയാരം മെഡിക്കല് കോളേജ് ആശുപത്രിയില് ചികിത്സയിലാണ്.
വ്യാഴാഴ്ച വൈകുന്നേരം സ്കൂളില് നിന്ന് മടങ്ങുമ്പോഴാണ് തെരുവുനായ ആക്രമണം ഉണ്ടായത്. ചമ്പാട് ഇന്ഡോര് സ്റ്റേഡിയത്തിന് സമീപത്ത് വച്ച് തെരുവുനായ ആക്രമിക്കുകയായിരുന്നു. തുടർന്ന്, ഓട്ടോ ഡ്രൈവര്മാരാണ് നായയെ ഓടിച്ച ശേഷം കുട്ടിയെ രക്ഷപ്പെടുത്തിയത്.