തൈറോയ്ഡ് ഉള്ളവരാണോ നിങ്ങൾ; എങ്കിൽ ഈ ആഹാരങ്ങള്‍ കഴിക്കാൻ ശ്രദ്ധിക്കൂ

താറോയ്ഡ് രോഗം ഉള്ളവര്‍ കാര്‍ബ്‌സ് അടങ്ങിയ ആഹാരങ്ങള്‍ കിഴങ്ങ് വര്‍ഗ്ഗങ്ങള്‍ കാബേജ്, പഞ്ചസ്സാര, എന്നിവയെല്ലാം ഡയറ്റില്‍ നിന്നും കുറയ്ക്കാന്‍ ഡോക്ടര്‍മാര്‍ പലപ്പോഴും നിര്‍ദ്ദേശിക്കാറുണ്ട്. ഇത്തരത്തില്‍ ഡയറ്റില്‍ നിന്നും ഒഴിവാക്കുന്നത് പോലെ തന്നെ കഴിക്കേണ്ടതുമായ ചില ആഹാരങ്ങളുണ്ട്. അവ ഏതെല്ലാമെന്ന് നോക്കാം.

​തൈര്​

തൈറോയ്ഡ് രോഗികള്‍ക്ക് കഴിക്കാന്‍ പറ്റിയ ഒരു ആഹാരമാണ് തൈര്. തൈര് ചേര്‍ത്ത് തയ്യാറാക്കുന്ന ആഹാരങ്ങള്‍ പരമാവധി കഴിക്കുന്നത് നല്ലതാണ്. തൈര് മാത്രമല്ല, പാല്‍ ഉല്‍പന്നങ്ങള്‍ ഡയറ്റില്‍ ചേര്‍ക്കുന്നത് തൈറോയ്ഡ് ഗ്രന്ഥിയുടെ പ്രവര്‍ത്തനത്തെ ബാലന്‍സ് ചെയ്യുന്നതിന് സഹായിക്കുന്നുണ്ട്.
കൂടാതെ, ഇത്തരം ഭക്ഷണപദാര്‍ത്ഥത്തില്‍ നിന്നും നമ്മള്‍ക്ക് ശരീരത്തിന് വേണ്ടത്ര പോഷകങ്ങള്‍ കൃത്യമായി ലഭിക്കുകയും ചെയ്യുന്നു. കൂടാതെ, ശരീരത്തിന് വേണ്ട അയഡില്‍ ലഭിക്കുന്നതിനും ഇത് സഹായിക്കുന്നുണ്ട്. തൈറോയ്ഡ് ഗ്രന്ഥിയുടെ പ്രവര്‍ത്തനത്തിന് അയഡിന്‍ അനിവാര്യമാണ്. അതിനാല്‍ തന്നെ തൈര് പോലെയുള്ള പാല്‍ ഉല്‍പന്നങ്ങള്‍ നിങ്ങള്‍ക്ക് ഡയറ്റില്‍ ചേര്‍ക്കാവുന്നതാണ്.

​പഴങ്ങള്‍​

നമ്മള്‍ ഡയറ്റില്‍ പഴങ്ങള്‍ ധാരാളം ചേര്‍ക്കുന്നത് നല്ലതാണ്. ശരീരത്തിലേയ്ക്ക് വേണ്ടത്ര പോഷകങ്ങള്‍ എത്തിക്കുന്നതിന് മാത്രമല്ല, ശരീരത്തെ ഹൈഡ്രേറ്റ് ചെയ്ത് നിലനിര്‍ത്താനും അതുപോലെ, ശരീരത്തിലേയ്ക്ക് വേണ്ടത്ര നാരുകള്‍ എത്തിക്കുന്നതിനും ഇത് സഹായിക്കുന്നുണ്ട്. തൈറോയ്ഡ് ഉള്ളവര്‍ ധാരാളം നാരുകള്‍ അടങ്ങിയ ആഹാരം കഴിക്കുന്നത് നല്ലതാണ്. ഇത് ശരീരത്തില്‍ അമിതമായി കൊഴുപ്പ് അടിഞ്ഞ് കൂടാതിരിക്കാന്‍ സഹായിക്കുകയും അമിതവണ്ണത്തിലേയ്ക്ക് നയിക്കാതിരിക്കുകയും ചെയ്യുന്നു. കൂടാതെ, ശരീരത്തെ നല്ലപോലെ ഡിക്‌റ്റോക്‌സിഫൈ ചെയ്ത് എടുക്കുന്നതിനും പഴങ്ങള്‍ കഴിക്കുന്നത് നല്ലതാണ്.പ്രത്യേകിച്ച് സിഡ്രസ് ഫ്രൂട്‌സ് കഴിച്ചാല്‍ തൈറോയ്ഡ് പ്രശ്‌നങ്ങള്‍ക്ക് കാരണമാകുന്ന മെര്‍ക്കുറി പോലെയുള്ളവ നീക്കം ചെയ്യുന്നതിന് ഇത് സഹായിക്കുന്നുണ്ട്.

​നട്‌സ് ആന്റ് സീഡ്‌സ്​

നമ്മള്‍ കറിവെക്കാന്‍ മത്തങ്ങ, കുമ്പളങ്ങ, വെള്ളരിക്ക എന്നിവയെല്ലാം എടുക്കുമ്പോള്‍ അതിന്റെ വിത്തുകള്‍ പൊതുവില്‍ കളയുകയാണ് ചെയ്യുന്നത്. എന്നാല്‍, ഈ വിത്തുകള്‍ നമ്മള്‍ കഴിക്കുന്നത് ശരീരത്തിന് എത്രമാത്രം ഗുണമാണ് നല്‍കുന്നതെന്ന് അറിയാമോ? പണ്ടത്തെ ആളുകള്‍ ഇവ നന്നാക്കുമ്പോള്‍ ഇതിന്റെ വിത്തുകള്‍ എടുത്ത് കഴിക്കുന്നത് കാണാം. അതിന്റെ കാരണവും ഈ ഗുണങ്ങള്‍ തന്നെയാണ്.
ഈ വിത്തുകളില്‍ ധാരാളം സിങ്ക് എന്നിവ അടങ്ങിയിരിക്കുന്നു. ഇത് തൈറോയ്ഡ് പ്രശ്‌നം പരിഹരിക്കാന്‍ സഹായിക്കുന്നവയാണ്. അതിനാല്‍, ഇനി മുതല്‍ ഡയറ്റില്‍ ബദാം, കശുവണ്ടി എന്നിങ്ങനെയുള്ള നട്‌സ് അതുപോലെ, വിത്തുകള്‍ എന്നിവ ഉള്‍പ്പെടുത്താന്‍ മറക്കരുത്.

​ഗ്രീന്‍ ടീ​

തൈറോയ്ഡ് പ്രശ്‌നം ഉള്ളവര്‍ പ്രധാനമായും നേരിടുന്ന ഒരു പ്രശ്‌നമാണ് അമിതമായിട്ടുള്ള ശരീരഭാരം. ശരീരഭാരം കുറയ്ക്കാന്‍ ഗ്രീന്‍ ടീ നല്ലതാണ്. ഗ്രീന്‍ ടീയില്‍ അടങ്ങിയിരിക്കുന്ന ആന്റിഓക്‌സിഡന്റ്‌സ് മെറ്റബോളിസം വര്‍ദ്ധിപ്പിക്കുന്നതിനും ശരീരത്തിലെ കൊഴുപ്പ് വേഗത്തില്‍ ദഹിപ്പിച്ച് കളയുന്നതിനും സഹായിക്കുന്നു. അതിനാല്‍ എന്നും രാവിലെ വെറുംവയറ്റില്‍ ഒരു ഗ്ലാസ്സ് ഗ്രീന്‍ ടീ കുടിക്കുന്നത് നല്ലതാണ്. ഒരു ദിവസം അമിതമായി ഗ്രീന്‍ ടീ കുടിക്കുന്നത് നല്ലതല്ല. ഇത് ഷുഗര്‍ കുറവുള്ളവരില്‍ ഷുഗര്‍ നല്ലപോലെ കുറയ്ക്കുന്നതിന് കാരണമാകുന്നുണ്ട്.