കുട്ടികള്‍ മുതല്‍ മുതിര്‍ന്നവരില്‍ വരെ ഇന്ന് തലവേദന കണ്ടുവരുന്നുണ്ട്. ചിലര്‍ക്ക് അമിതമായി കംപ്യൂട്ടര്‍ ഉപയോഗിക്കുമ്പോള്‍ അല്ലെങ്കില്‍ മാനസിക സമ്മര്‍ദ്ദം കൂടുന്നത് തലവേദനയിലേയ്ക്ക് നയിക്കുന്നു. ചിലര്‍ക്ക് കുറച്ച് നേരം ചൂട് കൊണ്ടാല്‍ തന്നെ തലവേദന വരുന്നത് കാണാം. ചിലര്‍ക്കാണെങ്കില്‍ അമിതമായി മധുരം കഴിച്ചാല്‍ അല്ലെങ്കില്‍ ഉപ്പുള്ളത് കഴിച്ചാല്‍ തലവേദന വരും.എന്തായാലും ഇത്തരം തലവേദനകള്‍ മാറ്റിയെടുക്കാന്‍ പലപ്പോഴും ഗുളികകളെ ളഅലങ്കില്‍ ബാം പുരട്ടും. എന്നാല്‍, ഇവ അത്ര ശരീരത്തിന് നല്ലതല്ല. എന്നാല്‍, ഇത്തരം മരുന്നുകളെ ആശ്രയിക്കാതെ തന്നെ നിങ്ങള്‍ക്ക് തലവേദന മാറ്റി എടുക്കാന്‍ സാധിക്കുന്നതാണ്. ഇതിനായി വീട്ടില്‍ തന്നെയുള്ള ചില സ്‌പൈസസ് മതി.
കറുവാപ്പട്ട
നിരവധി ആരോഗ്യ ഗുണങ്ങളുള്ള ഒരു സുഗന്ധവ്യജ്ഞനമാണ് കറുവാപ്പട്ട. ഇത് ഇട്ട് ചായ കുടിക്കുന്നത് തടി കുറയ്ക്കാന്‍ സഹായിക്കുന്നുണ്ട്. അതുപോലെ തന്നെ തലവേദന അകറ്റാനും ഇത് ബെസ്റ്റാണ്. ഇതില്‍ ധാരാളം ആന്റിഓക്‌സിഡന്റ്‌സ് അടങ്ങിയിരിക്കുന്നതിനാല്‍ ഇത് സ്‌ട്രെസ്സ് കുറയ്ക്കുന്നതിനും ഞരമ്പുകളെ ശാന്തമാക്കുന്നതിനും സഹായിക്കുന്നു.തലവേദന മാറ്റി എടുക്കുന്നതിന് കറുവാപ്പട്ട ഇട്ട് വെള്ളം തിളപ്പിച്ച് കുടിക്കുന്നത് നല്ലതാണ്. അല്ലെങ്കില്‍ കട്ടന്‍ചായ തയ്യാറാക്കുമ്പോള്‍ അതില്‍ ഒരു ചെറിയ കഷ്ണം കറുവാപ്പട്ട ഇടുക. ഇത് കുടിക്കുന്നതിലൂടെ നിങ്ങളുടെ തലവേദന കുറയും.ഇതുമല്ലെങ്കില്‍ കറുവാപ്പട്ട പൊടി എടുത്ത് അതില്‍ കുറച്ച് വെള്ളം ചേര്‍ത്ത് കുഴമ്പ് പരുവത്തിലാക്കി നെറ്റിയില്‍ പുരട്ടുന്നത് നെറ്റിയ്ക്ക് നല്ല തണുപ്പ് ലഭിക്കുന്നതിനും തലവേദന കുറയുന്നതിനും ഇത് സഹായിക്കുന്നു.
ഇഞ്ചി
കറുവാപ്പട്ട പോലെ തന്നെ തലവേദന വേഗത്തില്‍ മാറ്റിയെടുക്കാന്‍ സഹായിക്കുന്ന ഒരു പ്രകൃതിദത്ത ഉല്‍പന്നമാണ് ഇഞ്ചി. ഒട്ടുമിക്ക വീടുകളിലും ഇഞ്ചി കാണും. വയറിന്റെ ആരോഗ്യത്തിന് മുതല്‍ തലവേദനയെല്ലാം മാറ്റി എടുക്കുന്നചതിന് ഇഞ്ചി സഹായിക്കുന്നുണ്ട്.
ഇതില്‍ അടങ്ങിയിരിക്കുന്ന ആന്റിഇന്‍ഫ്‌ലമേറ്ററി ഘടകം തലവേദന മാറ്റാന്‍ സഹായിക്കുന്നു. അതിനാല്‍ തന്നെ, ഇഞ്ചി ഇട്ട് തിളപ്പിച്ച വെള്ളം കുടിക്കുന്നത് നിങ്ങള്‍ക്ക് തലവേദനയില്‍ നിന്നും വേഗത്തില്‍ ആശ്വാസം പകരുന്നതിന് സഹായിക്കുന്നു.അല്ലെങ്കില്‍ ഇഞ്ചി ഇട്ട് ചായ കുടിക്കുന്നത്, പാല്‍ ചേര്‍ക്കാതെ തയ്യാറാക്കുന്ന ചായ ആണ് നല്ലത്. ഇത് കുടിക്കുന്നത് തലവേദന മാറ്റി എടുക്കാന്‍ സഹായിക്കും. അല്ലെങ്കില്‍ ഇഞ്ചിനീര് കുടിക്കുന്നതും നല്ലതാണ്.
ഗ്രാമ്പൂ
തലവേദന മാറ്റി എടുക്കാന്‍ ഗ്രാമ്പൂ ഇത്തമമമാണ്. ഇതിന്റെ ആന്റിഇന്‍ഫ്‌ലമേറ്ററി ഗുണങ്ങള്‍ രക്തോട്ടം വര്‍ദ്ധിപ്പിക്കുന്നതിനും തലയിലേയ്ക്ക് ഓക്‌സിഡന്റ് അളവ് വര്‍ദ്ധിപ്പിക്കുന്നതിനും ഞരമ്പുകളെ ശാന്തമാക്കി എടുക്കുന്നതിനും സഹായിക്കുന്നുണ്ട്. അതിനാല്‍, ഗ്രാമ്പൂ ഉപയോഗിക്കുന്നത് തലവേദനയ്ക്ക് നല്ലത് തന്നെ.ഇത് ഉപയോഗിക്കുന്നതിനായി ചൂടുവെള്ളത്തില്‍ ഗ്രാമ്പൂ ഇട്ട് തിളപ്പിച്ച് കുടിക്കാവുന്നതാണ്. അല്ലെങ്കില്‍ ഇഞ്ചിയും കറുവാപ്പടയും ചേര്‍ത്ത് ചായ തയ്യാറാക്കി കുടിക്കുന്നതും ഒരു തരത്തില്‍ തലവേദന കുറയ്ക്കാന്‍ സഹായിക്കുന്നുണ്ട്. അതിനാല്‍ നിങ്ങള്‍ക്ക് ഗ്രാമ്പൂ വീട്ടില്‍ ഉണ്ടെങ്കില്‍ തലവേദന മാറ്റാന്‍ ഉപയോഗിക്കാവുന്നതാണ്
