സാങ്കേതിക വിദ്യയിലെ പുത്തൻ പരീക്ഷണങ്ങളിൽ ചൈന ഏറെ മുന്നിലാണ്. ഇതിന്റെ പ്രത്യക്ഷ ഉദാഹരണമാണ് നിർമ്മിത ബുദ്ധി അഥവാ ആർട്ടിഫിഷ്യൽ ഇന്റലിജൻസ് രംഗത്തെ ചൈനയുടെ മുന്നേറ്റം. നിർമിത ബുദ്ധിയുള്ള ഒരു വാർത്താ അവതാരകയെ അവതരിപ്പിച്ചു ചൈന വീണ്ടും ലോകത്തെ ഞെട്ടിപ്പിച്ചിരിക്കുകയാണ്. സിൻഹുവ വാർത്ത ഏജൻസി ആണ് മനുഷ്യന്റെ എല്ലാവിധ മുഖഭാവങ്ങളും പ്രകടിപ്പിക്കുന്ന വാർത്ത അവതാരകയെ അവതരിപ്പിച്ചത്. ബെയ്‌ജിങ്ങിൽ നടക്കുന്ന പാർലമെൻറ് നടപടികളായിരുന്നു അവതരാക ടെലിവിഷനിലൂടെ അവതരിപ്പിച്ചത്. ഏജൻസിയിലെ വാർത്താ അവതാരക ക്യോ മേങ്ങിന്റെ രൂപത്തെ ഉൾക്കൊണ്ടാണ് നിർമിത ബുദ്ധിയുള്ള അവതാരകയെ നിർമ്മിച്ചിരിക്കുന്നത്.
നേരത്തെ നിർമിത ബുദ്ധിയുള്ള പുരുഷന്മാരായ വാർത്ത അവതാരകരെ അവതരിപ്പിച്ചു സ്കിൻഹുവ വാർത്ത ഏജൻസി ശ്രദ്ധ നേടിയിരുന്നു. ആഗോള വാർത്താവിനിമയ സമ്മേളനത്തിന്റെ ഭാഗമായിട്ടായിരുന്നു പുരുഷന്മാരായ വാർത്ത അവതാരകരെ നിർമ്മിച്ചിരുന്നത്.
