പന്തളം: കെഎസ്ആർടിസി മിന്നൽ ബസും സ്കൂട്ടറും കൂട്ടിയിടിച്ച് ആസാം സ്വദേശികൾക്ക് ദാരുണാന്ത്യം. ആസാം ഡിമാജി സ്വദേശികളായ കിരൺ ചെരൺകിയ, മന്റു എന്നിവരാണ് മരിച്ചത്. പന്തളത്ത് വെച്ചാണ് അപകടമുണ്ടായത്. പന്തളത്ത് ഒരു സ്വകാര്യ സ്ഥാപനത്തിലെ ജോലിക്കാരായിരുന്നു ഇവർ.
എന്നാൽ അപകടം നടന്നയുടൻ തന്നെ സമീപത്തെ ആശുപത്രിയിൽ പ്രവേശിപ്പിച്ചെങ്കിലും മരിക്കുകയായിരുന്നു. പോസ്റ്റ്മോർട്ടം നടപടികൾക്കായി മൃതദേഹം മോർച്ചറിയിൽ സൂക്ഷിച്ചിരിക്കുകയാണ് ഇപ്പോൾ.
