കൊച്ചി: എടിഎമ്മില്‍നിന്നു പണം തട്ടിയ കേസിൽ രണ്ട്‌ പേർ പോലീസ് പിടിയിൽ. രാജസ്ഥാന്‍ സ്വദേശികളായ ആസിഫ് അലി(26), സാദിഖ് ഖാന്‍(30) എന്നിവരാണ് പോലീസ് പിടിയിലായത്.
എടിഎമ്മില്‍നിന്നു പണം എടുത്ത ശേഷം പവര്‍ ഓഫ് ചെയ്താണ് ഇവര്‍ തട്ടിപ്പ് നടത്തിയിരുന്നത്.
പണം കൈയില്‍ വരുന്ന ഉടനെ പവര്‍ ഓഫ് ചെയ്യുന്നതായിരുന്നു രീതി. ഇതോടെ, അക്കൗണ്ടില്‍നിന്നു പണം നഷ്ടപ്പെടുമെങ്കിലും എടിഎമ്മിലെ സോഫ് വെയറില്‍ പണം നഷ്ടമായതായി കാണിക്കില്ല. ഈ വിദ്യ മനസ്സിലാക്കിയ പ്രതികൾ വീണ്ടും ഇത് തുടരുകയായിരുന്നു.
ഈ രീതിയിൽ ഇവർ ഒന്നരലക്ഷത്തോളം രൂപയാണ് കവര്‍ന്നത്. പോണേക്കരയിലെ എസ്ബിഐ എടിഎമ്മില്‍നിന്ന് പണം കവര്‍ന്നെന്നു കാണിച്ചു ബാങ്ക് മാനേജര്‍ നല്‍കിയ പരാതിയിലാണ് ഇവരെ അറസ്റ്റ് ചെയ്തത്.
