അഭിഭാഷകന് ബി.എ ആളൂരിനെതിരെ കേരളാ ബാര് കൗണ്സില് രംഗത്ത്. ആളൂരിന്റെ പ്രവര്ത്തികള് ബാര് കൗണ്സില് ചട്ടങ്ങള്ക്ക് വിരുദ്ധമാണെന്ന് പറഞ്ഞ കൗണ്സില് ആളൂരിന്റെ സന്നദ് റദ്ദാക്കണമെന്നും ആവശ്യപ്പെടും. ആളൂരിനെതിരായ പരാതികള് അന്വേഷിക്കാന് കേരള ബാര് കൗണ്സില് മൂന്ന് അംഗ സമിതിയെ നിയോഗിച്ചു.
നിരവധി പരാതികളാണ് അഭിഭാഷകന് ബിഎ ആളൂരിനെതിരെ പുറത്തുവന്നിരിക്കുന്നത്. ജയിലില് പോയി കേസ് പിടിക്കുന്നതടക്കം നിരവധി ആരോപണങ്ങളാണ് അദ്ദേഹത്തിനെതിരെ ഉയര്ന്ന് വരുന്നത്. കൂടത്തായി കേസില് ആളൂര് കോടതി ചട്ടങ്ങള് ലംഘിച്ചുവെന്നും ആരോപണമുണ്ട്.
ആളൂരിനെതിരെ നടപടി ആവശ്യപ്പെട്ട് കേരളാ ബാര് കൗണ്സില് മുംബൈ ബാര് കൗണ്സിലിനെ സമീപിക്കുമെന്ന് അറിയിച്ചിട്ടുണ്ട്. 2004 മുതല് മുംബൈ ബാര് കൗണ്സില് അംഗമാണ് അഡ്വ.ബി.എ.ആളൂര്.
