രക്ഷിക്കാനായി കെഞ്ചുന്നു, കരയുന്നു, ഇനിയെന്ത് ചെയ്യണം?”: പാകിസ്ഥാനിൽ ക്രിസ്ത്യൻ ന്യൂനപക്ഷങ്ങൾ അതിക്രമത്തിനിരയാകുന്നതിൽ വിങ്ങിപ്പൊട്ടി ബിഷപ്പ് ഹംഫ്രി പീറ്റേഴ്സ്

ഇസ്‌ലാമാബാദ്: സ്വന്തം രാജ്യത്ത് സുരക്ഷിതരല്ലെന്ന തോന്നൽ ഉണ്ടാകുന്നത് കടുത്ത മാനസികാഘാതമാണെന്ന് പാകിസ്ഥാനിലെ ക്രിസ്ത്യൻ ന്യൂനപക്ഷങ്ങൾക്കെതിരെയുള്ള അതിക്രമങ്ങളെ അപലപിച്ചുകൊണ്ട് ബിഷപ്പ് ഹംഫ്രി പീറ്റേഴ്സ്. ന്യൂനപക്ഷങ്ങൾക്ക് നേരിടേണ്ടി വരുന്ന പീഡനങ്ങൾക്കെതിരെ അധികാരികൾക്ക് മുന്നിൽ അപേക്ഷിച്ചിട്ടും കണ്ണീരൊഴുക്കിയിട്ടും യാതൊരു നടപടിയും ഉണ്ടാകുന്നില്ലെന്ന് അദ്ദേഹം തീവ്രമായ വേദനയോടെ വ്യക്തമാക്കി. അക്രമങ്ങൾ തടയാൻ ഇനിയെന്താണ് ചെയ്യേണ്ടതെന്ന് അറിയാത്ത അവസ്ഥയിലാണ് ക്രൈസ്തവ സമൂഹമെന്നും അദ്ദേഹം ചൂണ്ടിക്കാട്ടി.

പാകിസ്ഥാനിൽ ദൈവനിന്ദാ നിയമങ്ങളുടെ ദുരുപയോഗവും വർഗീയ ആക്രമണങ്ങളും കാരണം അവിടുത്തെ ക്രിസ്ത്യൻ സമൂഹം കടുത്ത ഭയപ്പാടിലാണ് ജീവിക്കുന്നത്. നിരപരാധികളായ മനുഷ്യർ വ്യാജ ആരോപണങ്ങൾ നേരിടുകയും വീടുകളും ആരാധനാലയങ്ങളും ആക്രമിക്കപ്പെടുകയും ചെയ്യുന്ന സാഹചര്യങ്ങൾ തുടർച്ചയായി റിപ്പോർട്ട് ചെയ്യപ്പെടുന്നുണ്ട്. ഭരണകൂടത്തിൽ നിന്നും സുരക്ഷാ ഏജൻസികളിൽ നിന്നും അർഹമായ നീതിയോ സംരക്ഷണമോ ലഭിക്കാത്തത് ന്യൂനപക്ഷ വിഭാഗങ്ങൾക്കിടയിൽ വലിയ അരക്ഷിതാവസ്ഥ സൃഷ്ടിച്ചിരിക്കുകയാണ്.

അന്താരാഷ്ട്ര സമൂഹം ഈ വിഷയത്തിൽ അടിയന്തരമായി ഇടപെടണമെന്നും ന്യൂനപക്ഷങ്ങളുടെ ജീവനും സ്വത്തിനും ഭരണഘടനാപരമായ സംരക്ഷണം ഉറപ്പാക്കാൻ പാകിസ്ഥാൻ സർക്കാരിന് മേൽ സമ്മർദ്ദം ചെലുത്തണമെന്നും മനുഷ്യാവകാശ പ്രവർത്തകർ ആവശ്യപ്പെടുന്നു. രാജ്യത്ത് വർദ്ധിച്ചുവരുന്ന വർഗ്ഗീയ ധ്രുവീകരണവും തീവ്രവാദ ഗ്രൂപ്പുകളുടെ സ്വാധീനവുമാണ് വനകരമായ ഈ ഭീഷണികൾക്ക് കാരണമെന്ന് ചൂണ്ടിക്കാണിക്കപ്പെടുന്നു.