ദില്ലി : തെരഞ്ഞെടുപ്പിൽ ബിജെപി നേടിയ തകർപ്പൻ വിജയത്തിനുപിന്നാലെ ബംഗാളിൽ നിന്ന് ബിജെപിയിലേക്ക് വിവിധ പാർട്ടി നേതാക്കളുടെ കുത്തൊഴുക്ക്. മൂന്ന് എംഎൽഎമാരും നാല്പതോളം മുൻസിപ്പൽ കൗൺസിലർമാരുമടക്കം അമ്പതോളം ബംഗാളി നേതാക്കളാണ് ഇന്ന് ബിജെപിയിൽ ചേർന്നത്. ഇക്കൂട്ടത്തിൽ സി പിഎമ്മിൽനിന്നുള്ള എംഎൽഎ ദേബേന്ദ്രനാഥ് റോയിയും ഉൾപ്പെടും. ബിജെപി ആസ്ഥാനത്ത് നടന്ന ചടങ്ങില് ദേശീയ സെക്രട്ടറി കൈലാഷ് വിജയ് വര്ഗിയയും മുകുള് റോയിയും ചേര്ന്നാണ് ബംഗാൾ നേതാക്കളെ ബിജെപിയിലേക്ക് സ്വീകരിച്ചത്.
തൃണമൂലിൽനിന്നും പുറത്താക്കപ്പെട്ട നേതാവ് മുകുൾ റോയിയുടെ മകൻ സുബ്രൻഷു റോയ്, തുഷാർകാന്തി ഭട്ടാചാര്യ എന്നിവരാണ് തൃണമൂലിൽ നിന്ന് ബിജെപിയിലെത്തിയ എംഎൽഎമാർ. തൃണമൂലുമായി സ്വരച്ചേർച്ചയുണ്ടായിരുന്ന സുഭ്രാംഗ്ഷുവിനെ കഴിഞ്ഞ ദിവസം പാര്ട്ടിയില് നിന്ന് ആറ് വര്ഷത്തേക്ക് സസ്പെന്ഡ് ചെയ്തിരുന്നു.
ഇന്നലെയാണ് എംഎല്എമാരുടെ നേതൃത്വത്തിലുള്ള സംഘം സംഘം ദില്ലിയിൽ എത്തിയത്. മമതാ ബാനര്ജിയുമായി അഭിപ്രായ ഭിന്നതയില്ലെന്നും ബിജെപിയുടെ വിജയത്തില് ആകൃഷ്ടരായാണ് പാര്ട്ടിയില് ചേരുന്നതെന്നും പാര്ട്ടി വിട്ട കൗണ്സിലര്മാർ ദേശീയമാധ്യമങ്ങളോട് വ്യക്തമാക്കിയിരുന്നു.
