ഡിഎൻഎ ടെസ്റ്റ് കള്ളം പറയില്ല; നിൽക്കക്കള്ളിയില്ലാതെ ബിനോയ് കോടിയേരി

വിവാഹ വാഗ്‌ദാനം നൽകി പീഡിപ്പിച്ചുവെന്ന ബീഹാര്‍ സ്വദേശിനിയുടെ പരാതിയില്‍ ബിനോയ് കോടിയേരിയുടെ ഡിഎന്‍എ പരിശോധന ഇന്ന് നടക്കും. എഫ്‌ഐആര്‍ റദ്ദാക്കണമെന്നാവശ്യപ്പെട്ട് ബിനോയ് നല്‍കിയ ഹര്‍ജി ഇന്നലെ പരിഗണിക്കവേ ബോംബെ ഹൈക്കോടതിയാണ് ഇന്ന് ഡിഎന്‍എ പരിശോധനയ്ക്ക് തയ്യാറാകാന്‍ ബിനോയിയോട് നിര്‍ദ്ദേശിച്ചത്. ഡിഎന്‍എ പരിശോധനയ്ക്ക് സമ്മതമാണെന്ന് കോടതിയെ അറിയിച്ച ബിനോയ് പൊലീസില്‍ നിന്ന് നോട്ടീസും കൈപ്പറ്റി.