കാബുൾ : കാബുളിലെ വിദേശകാര്യ മന്ത്രാലയത്തിനു സമീപത്തുണ്ടായ ചാവേർ സ്ഫോടനത്തിൽ 6 പേർ കൊല്ലപ്പെട്ടു. നിരവധി പേർക്കു പരുക്കേറ്റു.കഴിഞ്ഞ മൂന്നു മാസത്തിനിടെ പ്രദേശത്തുണ്ടാകുന്ന രണ്ടാമത്തെ ചാവേറാക്രമണമാണിത്.
വിദേശകാര്യ മന്ത്രാലയത്തിന്റെ സമീപത്തുള്ള തിരക്കേറിയ വാണിജ്യ കേന്ദ്രത്തിനു മുന്നിൽ ചാവേർ പൊട്ടിത്തെറിക്കുകയായിരുന്നു. സ്‌ഫോടനത്തിന് ഏതാനും നിമിഷങ്ങൾക്ക് മുൻപ് ചാവേർ സാന്നിദ്ധ്യം സുരക്ഷാ സേന തിരിച്ചറിഞ്ഞിരുന്നു. തുടർന്ന് നടത്തിയ പരിശോധനയിൽ ചാവേറിനെ സുരക്ഷാസേന തിരിച്ചറിഞ്ഞെങ്കിലും പിടികൂടുന്നതിനു മുൻപേ അയാൾ പൊട്ടിത്തെറിക്കുകയായിരുന്നു. പരുക്കേറ്റവരിൽ മൂന്ന് അഫ്ഗാൻ സേനാംഗങ്ങളും ഉൾപ്പെടുന്നു എന്നാണ് വിവരം. അതെ സമയം ആക്രമണത്തിന്റെ ഉത്തരവാദിത്തം നിലവിൽ ആരും ഏറ്റെടുത്തിട്ടില്ല.
