ദില്ലി : എംപി സ്ഥാനത്തുനിന്ന് അയോഗ്യനാക്കപ്പെട്ടതിന് പിന്നാലെ ഔദ്യോഗിക വസതി ഒഴിയാന് രാഹുല് ഗാന്ധിക്ക് നോട്ടിസ്. ലോക്സഭ ഹൗസിങ് കമ്മിറ്റിയാണ് നോട്ടിസ് നല്കിയിരിക്കുന്നത്. 12 തുഗ്ലക് ലെയിന് ആണ് രാഹുലിന്റെ ഔദ്യോഗിക വസതി. അയോഗ്യനാക്കിയതിനെത്തുടർന്ന് ഇപ്പോൾ എംപി അല്ലാത്ത രാഹുലിന് ചട്ടപ്രകാരം എംപിമാരുടെ ഔദ്യോഗിക വസതി ഉപയോഗിക്കാനാവില്ല. ഇതിനെത്തുടർന്നാണ് നടപടി.
എംപി സ്ഥാനത്ത് നിന്ന് അയോഗ്യനാക്കിയ നടപടി വന്ന് രണ്ടു ദിവസത്തിനുശേഷമാണ് ഔദ്യോഗിക വസതി ഒഴിയാൻ നോട്ടിസ് നൽകിയിരിക്കുന്നത്. എന്നാൽ ഇതുവരെ നോട്ടിസ് ലഭിച്ചിട്ടില്ലെന്നാണ് രാഹുലിനോട് അടുത്തുള്ള വൃത്തങ്ങൾ അറിയിച്ചിരിക്കുന്നത്.