കണ്ണൂർ: കള്ളവോട്ട് വിവാദത്തിൽ കൈവശമുള്ള തെളിവുകൾ നിയമനടപടികൾക്കായി നാളെ കൈമാറുമെന്ന് യുഡിഎഫ് സ്ഥാനാർത്ഥി കെ സുധാകരൻ. കള്ളവോട്ട് നടന്നുവെന്ന തിരഞ്ഞെടുപ്പ് കമ്മീഷന്റെ സ്ഥിരീകരണം സ്വാഗതാർഹമാണെന്നും സുധാകരൻ വ്യക്തമാക്കി.
പിലാത്തറ എ യുപി സ്കൂളിലെ 19-ാം നമ്പർ ബൂത്തിലാണ് കള്ളവോട്ട് നടന്നെന്ന ആരോപണം ഉയർന്നിരിക്കുന്നത്. സുമയ്യ, സലീന, പത്മിനി എന്നീ മൂന്ന് സ്ത്രീകൾ കള്ളവോട്ട് ചെയ്തെന്ന് മുഖ്യ തിരഞ്ഞെടുപ്പ് കമ്മീഷൻ വ്യക്തമാക്കി. കള്ളവോട്ട് ചെയ്ത സലീന പഞ്ചായത്ത് അംഗമാണ്. കള്ളവോട്ട് ചെയ്തവർക്കെതിരെ കേസെടുക്കുമെന്ന് തിരഞ്ഞെടുപ്പ് കമ്മീഷൻ ടിക്കാറാം മീണ വ്യക്തമാക്കി.
പ്രിസൈഡിങ് ഓഫീസർ ചട്ടങ്ങൾ പാലിച്ചില്ലെന്നും തിരഞ്ഞെടുപ്പ് ഓഫീസർക്കെതിരെ കളക്ടർ അന്വേഷണം നടത്തണമെന്നും കള്ളവോട്ട് സംബന്ധിച്ച എല്ലാ പരാതികളും അന്വേഷിക്കുമെന്നും ടിക്കാറാം മീണ വ്യക്തമാക്കി.
