ഞങ്ങളുടെ പ്രധാന ശത്രുക്കൾ ഇവരാണ്!!! ശത്രുരാജ്യങ്ങളുടെ പട്ടിക പ്രഖ്യാപിച്ച് യു.കെ

ലണ്ടൻ: ശത്രുരാജ്യങ്ങളുടെ പട്ടിക പ്രഖ്യാപിച്ച് യു.കെ (UK). ഇംഗ്ലണ്ടിന്റെ, മിനിസ്റ്റർ ഓഫ് സ്റ്റേറ്റ് സെക്യൂരിറ്റി ഡാമിയൻ ഹിൻഡ്‌സ് ആണ് ഇങ്ങനെ ഒരു പ്രഖ്യാപനം നടത്തിയത്. ശത്രു രാജ്യങ്ങളുടെ നിരയിൽ ചൈനയെയും റഷ്യയെയും ഉൾപ്പെടുത്തിയുള്ളതാണ് ഈ പട്ടിക. തെറ്റിദ്ധാരണകൾ സൃഷ്ടിക്കുന്ന പ്രചരണം നടത്തുന്നുവെന്നാണ് ഹിൻഡ്‌സ് രണ്ടു രാജ്യങ്ങളെയും കുറച്ച് ആരോപിച്ചത്.

എന്നാൽ ശക്തമായ ആൾബലം മാത്രമല്ല, സൈബർ രംഗത്തും ഈ രണ്ടു രാജ്യങ്ങൾ അതികായന്മാരാണെന്ന് ഹിൻഡ്‌സ് വ്യക്തമാക്കി. രണ്ടു രാജ്യങ്ങളെ കൂടാതെ ഇറാനെയും ബ്രിട്ടൻ ശത്രുരാജ്യങ്ങളുടെ പട്ടികയിൽ പെടുത്തിയിട്ടുണ്ട്. ചാരവൃത്തി, സൈബർ ആക്രമണങ്ങൾ, അധിനിവേശത്തിന് തയ്യാറായി നിൽക്കുന്ന സൈന്യം, തുടങ്ങി പലരീതിയിലും ഈ മൂന്ന് രാജ്യങ്ങൾ വളരെയധികം അപകടകാരികളാണ് എന്ന് ഹിൻഡ്‌സ് പ്രഖ്യാപിച്ചു.