മെൽബൺ: ഓസ്ട്രേലിയയിലെ ബുദ്ധക്ഷേത്രത്തിന് തീപ്പിടിച്ചു. ഇന്നലെ വൈകുന്നേരമാണ് ക്ഷേത്രത്തിൽ തീ ആളിപ്പടർന്നത്. തീപിടിത്തത്തിൽ വൻ നാശനഷ്ടമാണ് ഉണ്ടായിരിക്കുന്നത്. തലനാരിഴയ്ക്കാണ് ആളപായമില്ലാതെ രക്ഷപ്പെട്ടത്.സംഭവം നടന്ന ഉടൻ അഗ്നിശമന സേന സ്ഥലത്തെത്തി. രാത്രി എട്ടു മണിയോടെ തീ പൂർണമായും അണയ്ക്കുകയായിരുന്നു. അപകടത്തെ തുടർന്ന് ആരാധനാലയത്തിന്റെ ഉള്ളിലുണ്ടായിരുന്നവരെ സുരക്ഷിതമായി പുറത്തെത്തിച്ചു. അപകട കാരണം ഇതുവരെ വ്യക്തമായിട്ടില്ല. സംഭവത്തിൽ കേസെടുത്ത് അന്വേഷണം ആരംഭിച്ചതായി പോലീസ് അറിയിച്ചു.
എന്നാൽ, ഓസ്ട്രേലിയയിൽ കഴിഞ്ഞ കുറച്ച് നാളുകളായി ഇന്ത്യകാർക്കെതിരെ ഖാലിസ്ഥാൻ ഭീകരരരുടെ അതിക്രമങ്ങൾ തുടർകഥയായിരുന്നു. ഇതിനെതിരെ ഇന്ത്യൻ വിദേശകാര്യ മന്ത്രാലയം ഓസ്ട്രേലിയയോട് അതൃപ്തി പങ്ക് വെച്ചിരുന്നു.റിപ്പബ്ലിക് ദിനത്തിൽ മെൽബണിലെ ഫെഡറേഷൻ സ്ക്വയറിൽ ത്രിവർണ്ണ പതാകയേന്തിയ ഒരു കൂട്ടം ഇന്ത്യക്കാരെ ഖാലിസ്ഥാൻ അനുകൂലികൾ ആക്രമിച്ചിരുന്നു. ഇത് ചൂണ്ടിക്കാട്ടിയാണ് ഓസ്ട്രേലിയയോട് ഭീകരർക്കെതിരെ നടപടി സ്വീകരിക്കണമെന്ന് ഇന്ത്യ ആവശ്യപ്പെട്ടത്.