മലപ്പുറം: ചായയും സർബത്തും രുചിക്കനുസരിച്ച് ഉണ്ടാക്കി തരുമെങ്കിലും അതിനായ് ഉപയോഗിക്കുന്ന വെള്ളം തൊട്ടപ്പുറത്തെ തോട്ടിലെ മലിനജലമാണ്.വാര്ഡ് അംഗം അലി വെട്ടോടനാണ് തട്ടുകടയില് മലിന ജലം ഉപയോഗിക്കുന്നത് കണ്ടെത്തിയത്. വാര്ഡിലെ റോഡുകളും ഇടവഴികളും തോടുകളും സര്വേ നടത്തുന്നതിന്റെ ഭാഗമായി ഉദ്യോഗസ്ഥര് പരിശോധന നടത്തുന്നതിനിടെ തട്ടുകടയിലെ ജീവനക്കാരന് തോട്ടിൽ നിന്ന് ബക്കറ്റില് വെള്ളവുമായി പലതവണ തട്ടുകടയിലേക്ക് കയറി പോകുന്നത് വാര്ഡ് കൗണ്സിലറുടെ ശ്രദ്ധയില്പ്പെട്ടു. പിന്നീടാണ് തട്ടുകടയില് ചായ അടക്കമുള്ള പാനീയങ്ങളുണ്ടാക്കാന് ഉപയോഗിക്കുന്നത് തോട്ടില് നിന്നും കൊണ്ട് വച്ച ബക്കറ്റിലെ മലിനജലം ഉപയോഗിച്ചാണെന്ന് വ്യക്തമായത്.
തുടര്ന്ന് കൗണ്സിലറും മറ്റ് ഉദ്യോഗസ്ഥരും കടക്കാരനെ സമീപിച്ച് ഇത് ചോദ്യം ചെയ്തു, എന്നാല് ആദ്യം പല തര്ക്കങ്ങളും പറഞ്ഞ് ഇയാള് എതിര്ക്കാന് ശ്രമിച്ചുവെങ്കിലും പിന്നീട് തോട്ടിലെ മലിന ജലമാണെന്ന് ഉപയോഗിക്കുന്നതെന്ന് സമ്മതിച്ചു. ശുദ്ധജലം കാശ് കൊടുത്ത് വാങ്ങുകയാണെന്നായിരുന്നു തട്ടുകടക്കാരന് ആദ്യം പറഞ്ഞത്. എന്നാൽ വെള്ളം കാണിച്ചുതരാന് കൗണ്സിലര് ആവശ്യപ്പെട്ടപ്പോൾ ഗത്യന്തരമില്ലാതെ കടക്കാരന് തോട്ടിലെ വെള്ളമാണ് ഉപയോഗിക്കുന്നതെന്ന് സമ്മതിച്ചു. ഉടന് തന്നെ കൗണ്സിലര് ഹെല്ത്ത് വിഭാഗവുമായി ബന്ധപ്പെട്ട് ഉദ്യോഗസ്ഥരെ സ്ഥലത്തേക്ക് വരുത്തുകയുംനടപടികള്ക്ക് നിർദ്ദേശം
നല്കുകയും ചെയ്തു.
