കേന്ദ്ര സര്ക്കാരിന്റെ വിദേശ നയങ്ങളെയും അദ്ദേഹം പ്രശംസിക്കുകയും ചെയ്തു. മുന് കാലഘട്ടങ്ങളില് നിന്ന് വ്യത്യസ്തമായി ഇന്ന് ലോകരാജ്യങ്ങള് ഭാരതത്തെ ബഹുമാനിക്കുന്നു. ആഭ്യന്തര വിഷയങ്ങളില് ഉള്പ്പെടെ ഇന്ത്യയുടെ നിലപാടുകള് മറ്റ് രാജ്യങ്ങള് മാതൃകയാക്കുകയാണ്. നയതന്ത്ര വിഷയങ്ങളിലുള്ള അഭിപ്രായം ലോകോത്തര ശ്രദ്ധ നേടുന്നതായും അദ്ദേഹം പറയുകയും ചെയ്തു.
ദൃശ്യമാദ്ധ്യമങ്ങളില് മാത്രം നിലനില്ക്കുന്ന ഒന്നാണ് വര്ഗീയ കലാപങ്ങളും മതപരമായ അസഹിഷ്ണുതയുമെന്ന് സദ്ഗുരു ചൂണ്ടിക്കാട്ടി. തന്റെ പഠനകാലത്ത് കണ്ട വര്ഗീയതയുടെ ഇരുട്ടല്ല ഇന്ന് ഭാരതത്തില് ഉള്ളത്.രാജ്യത്ത് എവിടെയെങ്കിലും റിപ്പോര്ട്ട് ചെയ്യുന്ന കലാപശ്രമങ്ങളെ ചില മാധ്യമങ്ങള് ആളിക്കത്തിക്കുകയാണ്. ഈ കലാപശ്രമങ്ങളെ അടിച്ചമര്ത്തണം. നിയമപരമായി തന്നെ കലാപകാരികള്ക്കെതിരെ നടപടി എടുക്കണം.
രാജ്യത്തെ ജനങ്ങള് ഇന്ന് സാമൂഹ്യജീവിതത്തെക്കുറിച്ച് ബോധവാന്മാരാണ്. വിദ്യാഭ്യാസം, തൊഴില്, സാമ്പത്തികം തുടങ്ങിയ മേഖലകളിലെല്ലാം ശ്രദ്ധ കേന്ദ്രീകരിക്കുന്നു. സ്ത്രീകള് തങ്ങളുടെ ജീവിതത്തെയും നിലനില്പ്പിനെയും സാമ്പത്തിക ഭദ്രതയെയും പറ്റി ബോധവതികളാണെന്നും സദ്ഗുരു പറയുകയും ചെയ്തു.
