ലക്‌നൗ: ഉത്തര്‍പ്രദേശില്‍ ഫാക്ടറിയിലുണ്ടായ സ്ഫോടനത്തില്‍ മരണം ഒന്‍പതായി. 19 പേര്‍ക്ക് പരിക്കേറ്റു. ഇവരില്‍ പലരുടേയും നില ഗുരുതരമാണ്. ഹാര്‍പുര്‍ ജില്ലയിലെ വ്യാവസായിക മേഖലയില്‍ പ്രവര്‍ത്തിക്കുന്ന ഫാക്ടറിയിലാണ് പൊട്ടിത്തെറിയുണ്ടായത്.
നിരവധി പേര്‍ ഫാക്ടറിയില്‍ കുടുങ്ങിക്കിടക്കുന്നതായാണ് വിവരം . രക്ഷാപ്രവര്‍ത്തനം പുരോഗമിക്കുകയാണ്. ഫാക്ടറിയിലെ ബോയിലര്‍ പൊട്ടിത്തെറിച്ചാണ് അപകടമെന്നാണ് അറിയുന്നത്.
ശനിയാഴ്ച ഉച്ചക്ക് ശേഷമാണ് അപകടം. 25 തൊഴിലാളികള്‍ ഇവിടെ ജോലിയെടുക്കുന്നുണ്ട്. അഗ്നിശമന സേനയുടെ നിരവധി യൂണിറ്റുകള്‍ സ്ഥലത്തെത്തിയിട്ടുണ്ട്.
ഇലക്‌ട്രേണിക് സാധനങ്ങള്‍ നിര്‍മിക്കാനുള്ള അനുമതിയാണ് ഫാക്ടറിക്കുണ്ടായിരുന്നത്. എന്നാല്‍ എന്താണ് സംഭവിച്ചതെന്ന് അന്വേഷിച്ചുവരികയാണെന്ന് ഹാപുര്‍ ഡിഎം മേധാ രൂപം അറിയിച്ചു.
ഫാക്ടറിയിലെ ബോയിലര്‍ പൊട്ടിത്തെറിക്കുകയായിരുന്നു. സംഭവ സമയം നൂറിലധികം തൊഴിലാളികള്‍ ഫാക്ടറിയിലുണ്ടായിരുന്നു. അപകടം സംബന്ധിച്ച്‌ അന്വേഷിക്കാന്‍ കമ്മിഷനെ നിയോഗിച്ചിട്ടുണ്ട്. സ്ഫോടനത്തിനു കാരണമായ രാസവസ്തു തിരിച്ചറിയാന്‍ ഫോറന്‍സിക് സംഘം പരിശോധന നടത്തുകയാണ്.
