ചൈനീസ് ചാര വനിത ബീഹാറിൽ പിടിയിൽ !!ലക്ഷ്യം ടിബറ്റൻ ആത്മീയ നേതാവ് ദലൈലാമ

ബോധഗയ : ടിബറ്റൻ ആത്മീയ നേതാവ് ദലൈലാമയെ പിന്തുടർന്ന് ചാരവൃത്തി നടത്തി വിവരങ്ങൾ ചൈനയ്ക്ക് കൈമാറി എന്നു സംശയിക്കുന്ന ഒരു ചൈനീസ് യുവതിയെ ബിഹാർ പോലീസ് വ്യാഴാഴ്ച ബോധഗയയിൽ വെച്ച് കസ്റ്റഡിയിലെടുത്തു. ദലൈലാമ ഡിസംബർ 22 ന് ബോധ് ഗയയിൽ എത്തിയിരുന്നു.ഫെബ്രുവരി 1 വരെ അദ്ദേഹം ഇവിടെ ഉണ്ടായിരിക്കുമെന്നാണ് കരുതുന്നത്.

സോങ് ഷിയോലാന്‍ എന്ന സ്ത്രീയാണ് പിടിയിലായത്.ഇവരെ ചോദ്യം ചെയ്തുവരികയാണ് .രാജ്യത്തിന്റെ വിവിധ ഭാഗങ്ങളിലായി ഇവര്‍ കഴിഞ്ഞ ഒരു വര്‍ഷമായി തങ്ങിയിരുന്നതായാണ് കരുതപ്പെടുന്നത്. എന്നാല്‍, ഇവരെക്കുറിച്ച് വിദേശകാര്യവിഭാഗത്തിന്റെ കയ്യില്‍ യാതൊരു രേഖകളും ഉണ്ടായിരുന്നില്ല.യുവതിയുടെ പാസ്‌പോർട്ട്, വിസ വിവരങ്ങൾ നേരത്തെ തന്നെ മാധ്യമങ്ങളുമായി പങ്കുവെച്ചതിന് പുറമെ പോലീസ് ഇവരുടെ രേഖാചിത്രം പുറത്തുവിട്ടിരുന്നു. സംഭവത്തെ തുടർന്ന് ബോധ്ഗയയിൽ സുരക്ഷ ശക്തമാക്കി.

മഹാബോധി ക്ഷേത്ര സമുച്ചയത്തിന് ചുറ്റും പോലീസ് സുരക്ഷ ശക്തമാക്കിയിട്ടുണ്ട്. ദലൈലാമ രാവിലെ ഇവിടെ സമ്മേളനത്തെ അഭിസംബോധന ചെയ്തിരുന്നു .