കെ. കരുണാകരന്റെ ഓര്‍മകള്‍ക്ക് ഇന്ന് 11 വയസ്സ്

കെ. കരുണാകരന്റെ (K Karunakaran Death Anniversary) ഓര്‍മകള്‍ക്ക് ഇന്ന് 11 വയസ്സ്. പത്തുവർഷംമുമ്പ് ഈ ദിവസമാണ് മുൻ മുഖ്യമന്ത്രി കെ. കരുണാകരൻ നമ്മെ വിട്ടുപിരിഞ്ഞത്. ആ വിയോഗത്തിന് ഒരു പതിറ്റാണ്ടിപ്പുറം അദ്ദേഹത്തെ ഓർക്കുമ്പോൾ, ഇന്നും നിലനിൽക്കുന്ന ചില സത്യങ്ങളുണ്ട്. കെ. കരുണാകരനെക്കുറിച്ചും അദ്ദേഹത്തിന്റെ നേട്ടങ്ങളെക്കുറിച്ചും ഏകദേശധാരണ എല്ലാവർക്കുമുണ്ട്. നാലുതവണ കേരളത്തിന്റെ മുഖ്യമന്ത്രിയായി. ആദ്യതവണ 1977 മാർച്ചുമുതൽ ഏപ്രിൽവരെയുള്ള ഒരുമാസവും 1981 ഡിസംബർ മുതൽ 1982 മാർച്ചുവരെ രണ്ടാംതവണയും. പിന്നീട് 1982 മേയ് മുതൽ 1987 വരെയും 1991 ജൂൺമുതൽ 1995 ജൂൺവരെയും നീണ്ടകാലം കേരളത്തിന്റെ മുഖ്യമന്ത്രി. കൂടാതെ, ഐക്യജനാധിപത്യ മുന്നണി (യു.ഡി.എഫ്.) രൂപവത്കരിക്കുകയും ഇടതുചായ്‌വുള്ള കേരളത്തിൽ കോൺഗ്രസിനെയും സഖ്യകക്ഷികളെയും ശക്തമായ ഭരണശക്തിയാക്കി മാറ്റുകയുംചെയ്തു.

കേരളത്തിന്റെ രാഷ്ട്രീയഭൂമികയിൽ എണ്ണംപറഞ്ഞ നേതാക്കളുണ്ടെങ്കിലും ‘ലീഡർ’ എന്ന വാക്കിനർഹനായത് ഒരേയൊരാൾ. ആ വാക്കുകേൾക്കുമ്പോൾ മനസ്സിലെത്തുന്ന ഒരേയൊരു മുഖമാണ് കെ.കരുണാകരന്റേത്.അതേസമയം ലീ‌ഡർ കെ.കരുണാകരന്റെ 11ാം ചരമവാർഷിക ദിനം ഇന്ന് വിപുലമായി ആചരിക്കും. 23ന് രാവിലെ 9ന് ചുമട്ടുതൊഴിലാളികളുടെയും, ഓട്ടോറിക്ഷ തൊഴിലാളികളുടെയും ആഭിമുഖ്യത്തിൽ കനകക്കുന്നിന് മുന്നിലെ കെ.കരുണാകരൻ പ്രതിമയിൽ പുഷ്പാർച്ചനയും തുടർന്ന് അനുസ്മരണ സമ്മേളനവും നടത്തും.യൂണിയൻ പ്രസിഡന്റ് അഡ്വ.ടി.ശരത്ചന്ദ്രപ്രസാദ് അദ്ധ്യക്ഷത വഹിക്കും.കെ.പി.സി.സി പ്രസിഡന്റ് കെ.സുധാകരൻ,പ്രതിപക്ഷ നേതാവ് വി.ഡി.സതീശൻ,രമേശ് ചെന്നിത്തല,ഉമ്മൻ ചാണ്ടി,കെ.മുരളീധരൻ എന്നിവർ പങ്കെടുക്കും.