തിരുവനന്തപുരം∙ മുതിർന്ന കോൺഗ്രസ് നേതാവ് കെ.ശങ്കരനാരായണൻ അന്തരിച്ചു. 89 വയസായിരുന്നു. പാലക്കാട്ടെ സ്വവസതിയില് വച്ചായിരുന്നു അന്ത്യം. ദീര്ഘനാളായി അസുഖ ബാധിതനായിരുന്നു. കുറച്ചു നാളുകളായി ആരോഗ്യ പ്രശ്നങ്ങളെ തുടർന്ന് വീട്ടില് വിശ്രമത്തിലായിരുന്നു
6 പതിറ്റാണ്ടോളം കേരളാരാഷ്ട്രീയത്തിലെ സജീവസാന്നിധ്യമായിരുന്നു അദ്ദേഹം.6 സംസ്ഥാനങ്ങളിൽ ഗവർണറായിരുന്ന ഏക മലയാളിയാണ്. മഹാരാഷ്ട്ര, നാഗാലാൻഡ്, ജാർഖണ്ഡ് എന്നിവിടങ്ങളിൽ ഗവർണറായി. അരുണാചൽ പ്രദേശ്, അസം, ഗോവ എന്നിവിടങ്ങളുടെ അധികച്ചുമതലയും വഹിച്ചിട്ടുണ്ടായിരുന്നു. എ.കെ.ആന്റണി, കെ.കരുണാകരൻ മന്ത്രിസഭകളിൽ അംഗമായിരുന്നു. കേരളത്തില് നാലുതവണ മന്ത്രിയായി, 16 വര്ഷം യുഡിഎഫ് കണ്വീനറായിരുന്നു. മുൻ ധനമന്ത്രിയായിരുന്നു.