തിരുവനന്തപുരം: വെങ്ങാനൂര് പൗർണ്ണമിക്കാവ് ബാലത്രിപുര സുന്ദരി ദേവീ ക്ഷേത്രത്തില് പ്രതിഷ്ഠയ്ക്കായി കൊണ്ടുവരുന്ന ലോകത്തിലെ ഏറ്റവും ഉയരം കൂടിയ മാർബിൾ വിഗ്രഹങ്ങൾ ഇന്ന് രാവിലെ 10.30 ന് തിരുവനന്തപുരത്ത് എത്തുന്നു. പാളയം ഹനുമാൻ സ്വാമി ക്ഷേത്രം, പഴവങ്ങാടി ഗണപതി ക്ഷേത്രം, തിരിച്ച് ഈഞ്ചക്കൽ ജംഗ്ഷൻ, തിരുവല്ലം പരശുരാമസ്വാമി ക്ഷേത്രം, കോവളം ജംഗ്ഷൻ, ഉച്ചക്കട വഴി പൗർണ്ണമിക്കാവ് ക്ഷേത്രത്തിൽ എത്തിച്ചേരും. ക്ഷേത്രത്തിലേക്ക് ദേവിയെ വാദ്യമേളങ്ങളോടുകൂടിയും, പുഷ്പൃഷ്ടിയോടുകൂടിയുഠ ആനയിക്കുന്ന ഈ മഹത്തായ ചടങ്ങിൽ പങ്കെടുക്കുന്നതിന് എല്ലാ ഭക്തജനങ്ങളെയും ക്ഷേത്ര ട്രസ്റ്റ് സ്വാഗതം ചെയ്യുന്നു.
ആദിപരാശക്തി, ദുര്ഗ, രാജമാതംഗി ദേവതമാരുടെ വിഗ്രഹങ്ങളാണ് ഘോഷയാത്രയായി എത്തുന്നത്. രാജസ്ഥാനില് നിന്നും ഒറ്റകല് മാര്ബിളില് തീര്ത്ത 23.5 അടി ഉയരവും 30 ടണ് ഭാരവുമുള്ള അദിപരാശക്തിയുടെ വിഗ്രഹവും 12 അടി വീതം ഉയരത്തിലുള്ള ദുര്ഗ, രാജമാതംഗി ദേവിമാരുടെ വിഗ്രഹവുമാണ് ഇവ.
ഇന്ത്യയിലെ ഏറ്റവും ഉയരം കൂടിയ മാര്ബിള് വിഗ്രഹമാണ് ആദിപരാശക്തിയുടേത്. ജയ്പൂരിലെ പ്രമുഖ ശില്പിയായ മുകേഷ് ഭരദ്വാജ് ആണ് പൗർണമിക്കാവിലേക്കുള്ള വിഗ്രഹങ്ങൾ തയ്യാറാക്കിയിട്ടുള്ളത്. പീഠം അടക്കം 23 അടി ഉയരമാണ് ആദിപരാശക്തി വിഗ്രഹത്തിനുള്ളത്. ദേവി രൂപത്തിനു മാത്രം 18.5 അടി ഉയരം ഉണ്ട്. ഒറ്റക്കല്ലിൽ തീർത്തിട്ടുള്ള ഈ വിഗ്രഹം രണ്ടുവർഷം കൊണ്ടാണ് നിർമ്മാണം പൂർത്തിയാക്കിയിട്ടുള്ളത്.