കൊച്ചി: എറണാകുളം കാലടിയില് സിപിഎം – സിപിഐ പ്രവര്ത്തകര് തമ്മിൽ സംഘർഷം. ഇന്നലെ രാത്രിയുണ്ടായ സംഘര്ഷത്തില് രണ്ട് സിപിഐ പ്രവര്ത്തകര്ക്ക് വെട്ടേറ്റു. ഡിവൈഎഫ്ഐ നേതാവിന്റെ നേതൃത്വത്തിലായിരുന്നു ആക്രമണമെന്നാണ് സിപിഐ ആരോപണം. സിപിഎം വിട്ട് സിപിഐയിൽ ചേർന്നവർക്കാണ് വെട്ടേറ്റത്. പുതിയകര സ്വദേശികളായ സേവ്യര്, ക്രിസ്റ്റിന് ബേബി എന്നിവര്ക്കാണ് പരിക്കേറ്റത്.
സിപിഐ (CPI) ബ്രാഞ്ച് സെക്രട്ടറി ജോസഫിന്റെ വീടും, പരിസരത്തെ വാഹനങ്ങളും സംഘർഷത്തിൽ തകർത്തു. ഇരുവിഭാഗവും ക്രിമിനൽ കേസിലെ പ്രതികളാണെന്നാണ് പൊലീസ് പറയുന്നത്. ക്രിസ്മസ് ആഘോഷവുമായി ബന്ധപ്പെട്ട് പടക്കം പൊട്ടിക്കുന്നതിനിടെ തർക്കം തുടങ്ങി. പിന്നാലെ ഡിവൈഎഫ്ഐ പ്രവർത്തകരെത്തി ബൈക്കുകൾ അടിച്ചു തകർത്തുവെന്നും പ്രവർത്തകരെ മർദ്ദിച്ചുവെന്നുമാണ് സിപിഐ നേതാക്കൾ പറയുന്നത്. സംഘര്ഷത്തില് പരിക്കേറ്റവരെ പരിക്കേറ്റവരെ തൃശ്ശൂര് മെഡിക്കല് കോളേജിലേക്ക് മാറ്റി. പോലീസ് കേസെടുത്തു.
