ഇന്ത്യയുടെ ചരിത്രത്തിൽ സിഖ് സമൂഹത്തോടുള്ള തന്റെ കടമ നിറവേറ്റിയ ആദ്യത്തെ പ്രധാനമന്ത്രിയാണ് നരേന്ദ്രമോദിയെന്ന് പ്രമുഖ സിഖ് സംഘടനയായ ദാംദാമി തക്സൽ. ഡിസംബർ 26 വീർ ബൽ ദിവസ് ആയി പ്രഖ്യാപിച്ചതിനോട് പ്രതികരിക്കുകയായിരുന്നു സംഘടന. “ഇത് രാജ്യത്തെ യുവജനങ്ങൾക്ക് ഒരു സന്ദേശം നൽകും. ഈ തീരുമാനമെടുത്തതിന് പ്രധാനമന്ത്രിയോട് ഞങ്ങൾ നന്ദി പറയുന്നു,” സംഘടനയുടെ വക്താവ് അഭിപ്രായപ്പെട്ടു.ഡിസംബർ 26 ‘വീർബാൽ ദിവസ്’ ആയി ആചരിക്കുമെന്നും ഗുരു ഗോവിന്ദ് സിങ്ങിന്റെ നാല് സാഹിബ്സാദുകൾക്ക് ആദരാഞ്ജലികൾ അർപ്പിക്കുന്ന ദിനമായി ആചരിക്കുമെന്നും പ്രധാനമന്ത്രി നേരത്തെ പ്രഖ്യാപിച്ചിരുന്നു.
സിഖ് ജനതയോടുള്ള തന്റെ പ്രതിബദ്ധത എക്കാലവും പ്രകടിപ്പിച്ചിട്ടുള്ള നേതാവാണ് നരേന്ദ്ര മോദി.
