മരംമുറിക്കേസിൽ പ്രതികൾക്കെതിരെ മൊഴി നൽകിയ യുവാവിനെ കനാലിൽ കെട്ടിത്താഴ്ത്തിയ നിലയിൽ; കൊലപാതകമെന്ന് പോലീസ്

കണ്ണൂർ: മരംമുറിക്കേസിൽ പ്രതികൾക്കെതിരെ മൊഴി നൽകിയ യുവാവിനെ കനാലിൽ കെട്ടിത്താഴ്ത്തിയ നിലയിൽ. കണ്ണൂര്‍ പുതുവാച്ചേരിയില്‍ ആണ് സംഭവം. ചക്കരക്കല്ലില്‍ നിന്ന് കാണാതായ പി.പ്രജീഷിൻറെ മൃതദേഹമാണ് കണ്ടെത്തിയതെന്ന് സംശയിക്കുന്നതായി പോലീസ് പറഞ്ഞു. ഇയാൾ മരംമുറിക്കേസിൽ രണ്ടുപ്രതികൾക്കെതിരെ മൊഴി നൽകിയിരുന്നു. കൈകാലുകള്‍ കയറുപയോഗിച്ച് ബന്ധിച്ച നിലയിലാണ് മൃതദേഹം കണ്ടെത്തിയത്.

അതേസമയം കൊലപാതകമാണെന്നാണ് പ്രാഥമിക നിഗമനം. മൃതദേഹം പുറത്തെടുത്ത ശേഷം ഇന്‍ക്വസ്റ്റ് നടപടികളിലേക്ക് കടക്കും. സംഭവത്തെക്കുറിച്ച് പോലീസ് പറഞ്ഞത് ഇങ്ങനെ; നേരത്തെ റിയാസ്, ഷുക്കൂര്‍ എന്നീ രണ്ടുപേര്‍ക്കെതിരെ മരംമുറിക്കേസില്‍ മരിച്ച യുവാവ് മൊഴി നല്‍കിയിരുന്നു. ഇതാകാം കൊലപാതകത്തിലേക്ക് നയിച്ചത്. എന്നാല്‍ ഇതുസംബന്ധിച്ച് ഔദ്യോഗിക വിശദീകരണം നിന്നുണ്ടായിട്ടില്ല. ഇതുമായി ബന്ധപ്പെട്ട് അന്വേഷണം ഊർജ്ജിതമാക്കിയതായി പോലീസ് അറിയിച്ചു.

പ്രത്യേക അറിയിപ്പ്: കോവിഡ് മഹാമാരിയുടെ രണ്ടാം വരവിന്റെ കാലത്ത് എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹിക അകലം പാലിച്ചും വാക്‌സിൻ എടുത്തും പ്രതിരോധത്തിന് തയ്യാറാവണമെന്ന് തത്വമയി ന്യൂസ് അഭ്യർത്ഥിക്കുന്നു. ഓർക്കുക ഒന്നിച്ചു നിന്നാൽ നമുക്കീ മഹാമാരിയെ തോൽപ്പിക്കാനാവും. “സർക്കാർ നിർദ്ദേശങ്ങൾ പാലിക്കാം, നമുക്ക് മഹാമാരിയെ ഒന്നിച്ചു നേരിടാം”. വാക്സിന് എടുത്തും, സാമൂഹിക അകലം പാലിച്ചും, മാസ്ക് ധരിച്ചും ഈ മഹാമാരിയെ നമുക്ക് എത്രയുംവേഗം വേരോടെ പിഴുതെറിയാം. #BreakTheChain #CovidBreak #IndiaFightsCorona