ഉത്തര്പ്രദേശ്: കളിക്കുന്നതിനിടെ ഊഞ്ഞാലിന്റെ കയര് കഴുത്തില് കുരുങ്ങി എട്ട് വയസുകാരന് ദാരുണാന്ത്യം. ബസ്രേഹി സ്വദേശി അര്ജുന് ആണ് മരിച്ചത്. കുട്ടി വീട്ടിലെ ഗോതമ്പ് ചാക്കുകള് സൂക്ഷിച്ച മുറിയിലിരുന്നു കളിക്കുകയായിരുന്നു.
ചാക്കുകളുടെ മുകളില് കയറി ഫാനില് ഊഞ്ഞാല് കെട്ടാന് ശ്രമിക്കുകയായിരുന്നു. ഇതിനിടയിൽ കുട്ടി ചവിട്ടിനിന്നതിന്റെ അടിയിലുള്ള ചാക്ക് തെന്നിമാറുകയും കുട്ടിയുടെ കഴുത്തില് കയര് കുരുങ്ങുകയായിരുന്നു.
ശേഷം ശ്വാസം മുട്ടി കുട്ടി മരിക്കുകയുമായിരുന്നു. കുട്ടി ബോധരഹിതനായി കിടക്കുന്നത് കണ്ട വീട്ടുകാര് ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. മൃതദേഹം പോസ്റ്റ്മോര്ട്ടത്തിനായി അയച്ചു.